Dielulula 6:6 - MUKANDA WA MYIDI MUKULU

⁶ Mikenji ya Mvidi Mukulu indi nnuambila lelu eyi, nushale bayilame kashidi mu mioyi yenu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mei au anakukuambila lelu eu ikale mu mutshima webe;

Dielulula 6:6 Referans Kwoze

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Nsumuinu 7:3

Enda nadi miaba yonsu bu kakanu ka ku munu, udifunde mu muoyi webe.

Dielulula 11:18

Mikenji eyi indi munupeshe, nuyilame mu mioyi yenu ne mu mitshima yenu. Nuyisuike kabidi ku maboku enu, ne pa mpala yenu, bua kanuyipu muoyi to.

Misambu 37:31

Bualu udi wenda ne mikenji ya Mvidi Mukulu mu muoyi wende, uyikumbaja.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

Misambu 119:98

Diyi diebe ke bubanji buanyi bua kashidi, didi dimpesha meji mapite a balunda banyi.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

2 Yone 1:2

Bualu bulelela budi munda muetu. Nebushale kabidi netu kashidi.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

2 Samuele 22:23

Eyowa, ndi nkumbaja mikenji idiye mutufundile. Tshiena mbenga tshidiye ulomba to.

Dielulula 11:20

Pashishe nuyifunde ku mishiku ya mbelu ya nzubu yenu, ne ku biibi bia bimenga bienu.

Misambu 119:13

Mishiku yanyi idi ibala mapangadika onsu audi muambe.

Misambu 119:30

Ndi muanyishe bua kukulamata, ndi mulonde mapangadika ebe.