Dielulula 6:3 - MUKANDA WA MYIDI MUKULU

³ Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

Mukanda wa Nzambi Dihungila Dikulukulu ne Dihungila Dihia-dihia 2003

³ Unvuai, Isalele, nubienze; bua nuenu nukume dikasa dimpe, ne bua nuenu nukumbane ba bungi, bu muakanulaya Yehowa, Nzambi wa batatuʼenu, mu buloba budi bûle tente ne mabele ne buitshi.

Dielulula 6:3 Referans Kwoze

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Bienzedi 7:17

Matuku avua Mvidi Mukulu ne bua kukumbaja bivuaye mulaye Abrahame, tshisamba tshietu kutanta, kuvulangana mu Ejipitu.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 42:6

Tudi bakulombe bua umonangane ne Maweja-Nangila Mvidi Mukulu wetu. Nanku netuitabe tshionsu tshiatuenzelaye, nansha tshiotshi tshitusankisha, nansha katshiyi tshitusankisha. Nanku netupete anu dikasa dimpe, bualu netutumikile Maweja-Nangila Mvidi Mukulu wetu.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Dielulula 8:8

Mu ditunga adi, mudi biakudia bia bungi: ntete mishilangane ya kuenza bukula, mitshi ya mfiku, maluvu a mvinyo, mitshi ya grenade, mafuta a olive ne buitshi.

Dielulula 11:9

Nanku nenulale matuku a bungi mu ditunga adi, didi ne biakudia bia bungi, divua Maweja-Nangila mumane kuditshipa bua kupesha bankambua benu, ne ndelanganyi yabu yonsu.

Dielulula 26:9

Nanku watufikishi muaba ewu bua kutupa ditunga edi, didi ne biakudia bipite bungi.

Dielulula 26:15

Mu diulu, muaba webe wa tshijila, muudi musombe, wambuluishe tshisamba tshiebe tshia Izrayele, badi mu ditunga didi ne biakudia bia bungi, diudi mutupe bu muuvua mulaye bankambua betu.”

Dielulula 27:3

Nanku panuafika mu ditunga adi didi ne biakudia bia bungi, divua Maweja-Nangila Mvidi Mukulu wenu mulaye bankambua benu, nufunde mikenji yonsu indi unumanyishe eyi ku mabue awu, anu dituku adi.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.