Dielulula 5:10 - MUKANDA WA MYIDI MUKULU

¹⁰ Kadi bantu badi bannanga meme, bitaba meyi anyi, ndi mbafuila luse too ne ku ndelanganyi tshinunu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ ntu ngalesha bihungu tshinunu badi bansue ne badi benza mikenji yanyi luse lujalame.

Dielulula 5:10 Referans Kwoze

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

Yirmeya 32:18

Udi unanga bantu too ne ku ndelanganyi yabu tshinunu. Kadi padi baledi benza tshilema, udi unyoka ne bana babu mene. Udi Mvidi Mukulu munene ne wa bukole. Dina diebe mMvidi Mukulu wa bukole buonsu.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Yowanane 15:14

Nudi balunda banyi, panudi nuenza mundi munuelele mukenji.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Yowanane 14:15

— Panudi nunnanga, nenutumikile mikenji yanyi.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Dibadika 14:18

“Meme ndi Maweja-Nangila. Ndi ne luse lua bungi. Tshiena mfika munda lukasa. Ndi mfuila bantu luse bua mibi yabu, ne bua ditomboka diabu. Kadi tshiena mbingisha muntu udi mupile. Ndi nnyoka muana wa ku ndelanganyi misatu nansha minayi bua mibi ya baledi bende.”

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.

Yoshua 22:5

Kadi nukumbaje bimpe mikenji yonsu ivua Moshe, muntu wa Maweja-Nangila, munuambile ne: nunange Maweja-Nangila Mvidi Mukulu wenu, nuenze bionsu bidiye musue, nukumbaje mikenji yende. Nuitabe amu Maweja-Nangila, numuenzele mudimu ne muoyi mujima, ne bukole buenu buonsu.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Dielulula 7:12

Nuenu bateleje mikenji eyi, bayikumbaje, Maweja-Nangila Mvidi Mukulu wenu, nealame ndondu uvuaye mutue ne bankambua benu, bua nuenu kuikala bena diakalenga.