Dielulula 4:3 - MUKANDA WA MYIDI MUKULU

³ Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

Mukanda wa Nzambi Dihungila Dikulukulu ne Dihungila Dihia-dihia 2003

³ Mesu enu akatangila bualu buakenza Yehowa bualu bua Bâla-peô; Yehowa, Nzambi wenu, wakashiha balume bonso munkatshi muenu bakalonda Bâla-peô;

Dielulula 4:3 Referans Kwoze

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Yoshua 22:17

Ku Peyore, tuvua benze bibi, tuetu kupeta dinyoka dia buenzayi buetu. Maweja-Nangila kukengesha bena Izrayele bonsu ne tshipupu tshikole! Dikenga kadiena dianji kunutonda anyi?

Dibadika 31:16

Nudi bamanye bimpe ne: bakaji ba bena Madiyane aba ke bavua bitabe meji a Balaame, bafikishe bena Izrayele ku ditombokela Maweja-Nangila, bua kutendelela anu mvidie wa ku Peyore. Ke pavua tshipupu tshibutule bantu ba Maweja-Nangila.

Dibadika 26:64

Ku bena Izrayele bonsu, bavua Moshe ne Arone babadike mu tshipela tshia Sinayi, kakuvua kushala muntu ne muoyi to.

Dielulula 4:4

Kadi nuenu bavua balamate Maweja-Nangila Mvidi Mukulu wenu, nutshidi bonsu ne muoyi too ne lelu.

Yezekiyele 20:18

“Mvua mukandike bana babu mu tshipela ne: Kanulondi meyi ne mikenji bivua bankambua benu badielela. Kunukukuidi mvidie yabu mibi imvua mubenge. Tshianana nudi nupia mikiya.

Dielulula 11:7

Nanku nuenu nudi bajadike malu manene adi Maweja-Nangila munuenzele.