Dielulula 4:15 - MUKANDA WA MYIDI MUKULU

¹⁵ Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nudimuke bienu bimpe; bualu bua kanuakatangila tshifuanyikishi tshia muntu dituku diakasomba nʼenu Yehowa mu Holeba munkatshi mua kahia;

Dielulula 4:15 Referans Kwoze

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

Yirmeya 17:21

Panudi basue kushala ne muoyi, dituku dia Dikisha ka-nuambudi bujitu. Kanuena mua kupitshila nabu ku biibi ebi.

Nsumuinu 4:27

Uye amu buludi, kuyi ku dia balume nansha ku dia bakaji. Epuka malu mabi onsu.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Yoshua 23:11

Nanku nudimuke, nunange amu Maweja-Nangila Mvidi Mukulu wenu.

Dielulula 4:12

Nuenu kumvua diyi dia Maweja-Nangila, wakula nenu munkatshi mua kapia, kadi kanuyi numumona to.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Ekesode 19:1

Bena Izrayele kumuka mu Refidime. Dituku dia kumpala dia ngondu muisatu kunyima kua dipatuka mu Ejipitu, kufikabu mu tshipela tshia Sinayi. Kuenzabu mitanda mu tshipela amu, pabuipi ne mukuna awu.

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Dielulula 4:14

Musangu awu, Maweja-Nangila kungambila, bua meme kunulongesha meyi ne mikenji yonsu bua nuenu kubikumbaja, panuakuata ditunga dia Kenaane.

Dielulula 5:8

“Kanusongi lupingu, kanuzodi tshimfuanyi tshidi tshileja tshintu tshidi mu diulu, pa buloba, nansha mu mayi adi muinshi mua buloba.

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.

Dielulula 9:10

Mvidi Mukulu Maweja-Nangila kumpesha mabue abidi, avuaye mufunde nkayende mikenji yonsu. Ke mikenji iwaye munumanyishe munkatshi mua kapia, panuvua kuinshi kua mukuna.

Dielulula 10:4

Maweja-Nangila kufundulula mikenji dikumi pa mabue mapiamapia, bu muvuaye mufunde pa mabue a kumpala. Mikenji eyi, ke ivuaye munumanyishe munkatshi mua kapia, dituku dinuvua basangile kuinshi kua mukuna. Pashishe kumpeshaye mabue awu.

1 Bakalenga 19:12

Buloba bumane kuzakala, kapia kumueneka. Kadi, Maweja-Nangila kavua mu kapia aku to. Kapia kamane kujika, tshiona tshia lupepela luteketa kumwikatshi.