Dielulula 4:1 - MUKANDA WA MYIDI MUKULU

¹ Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Dielulula 4:1 Referans Kwoze

Rome 10:5

Telejayi bivua Moshe mufunde bua bantu badi bakeba kubinga ku mesu kua Mvidi Mukulu ku ditumikila dia mikenji: “Muntu udi ukumbaja bidibu bafunde mu mikenji, neapete lupandu kudiyi.”

Dielulula 8:1

Nuenu batumikile mikenji indi nnuambila lelu eyi, neyinuambuluishe bua kusomba bimpe. Nemwulangane. Nenukuate ditunga, divua Maweja-Nangila mulaye bankambua benu.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.

Lewitiki 18:5

“Nulame mikenji yanyi ne meyi anyi. Muntu udi ubikumbaja, nebimupeteshe muoyi. Bualu ndi Maweja-Nangila.

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Lewitiki 22:31

“Nulame mikenji yanyi bimpe, nuyikumbaje. Bualu meme ndi Maweja-Nangila.

Lewitiki 19:37

“Nulame meyi anyi ne mikenji yanyi bimpe. Bualu meme ndi Maweja-Nangila.”

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Yezekiyele 20:21

Kadi bana babu kabidi bavua bantombokela. Kabavua bakumbaje mikenji yanyi. Kabavua balame meyi anyi adi afikisha muntu udi walama ku muoyi. Bavua banyanga dituku dia Dikisha. Diba adi, mvua mujadike ne: nembanyoke ne tshiji. Ndi musue kubajikijilatshi mu tshipela.

Yezekiyele 11:20

Nanku nenukumbaje mikenji imvua munupeshe. Nenulonge meyi anyi, nuakumbaje. Nenuikale bantu banyi. Meme nengikale Mvidi Mukulu wenu.

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Dielulula 30:19

Nanku ndi nnujadikila lelu kumpala kua diulu ne buloba ne: nusungule tshinudi basue: ndi nteka muoyi ne diakalenga luseke, lufu ne diakabi lukuabu. Mbimpe nusungule muoyi, bua nushale bena diakalenga, nuenu ne ndelanganyi yenu.

Dielulula 16:20

Nuenze muenu muonsu bua kulumbuluisha bantu bimpe. Nanku nenukuate ditunga didi Maweja-Nangila Mvidi Mukulu wenu munupe, nushalemu ne muoyi.

Dielulula 11:32

Diba adi, mwuluke bua kukumbaja meyi ne mikenji yende, bindi nnumanyisha lelu ebi.

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Lewitiki 20:8

“Nulame mikenji yanyi bimpe. Bualu meme ndi Maweja-Nangila, uvua munusungule bua nuikale tshisamba tshia tshijila.

Yowanane 15:14

Nudi balunda banyi, panudi nuenza mundi munuelele mukenji.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Ekesode 18:20

Ulongeshe bantu meyi ne mikenji bia Mvidi Mukulu, bua babilame, bakumbaje bidiye musue.

Dielulula 1:3

Dituku dia kumpala dia ngondu wa dikumi ne umue, bena Izrayele bamane kukumbaja bidimu makumi anayi katshia bapatuke mu Ejipitu, Moshe kubamanyisha bionsu bivua Maweja-Nangila mutume diyi bua kuenzabu.

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Lewitiki 19:19

“Nulame kabidi mikenji eyi: Kanuteki mu bimuna bienu nyama ya mishindu ibidi mishilangane bua kulelanganayi. Kanumiaminyi mu madimi enu maminu a mishindu ibidi mishilangane. Kanuvuadi bilamba bitela ne manda a mishindu ibidi mishilangane.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Dielulula 6:24

Ke Maweja-Nangila kutuambila bua tukumbaje meyi ne mikenji biende bionsu. Patudi tumunemeka, netuikale bena diakalenga diba dionsu, netushale ne muoyi, bu mutudi nawu mpindiewu.

Dielulula 7:11

Nanku, meyi ne mikenji bindi nnuambila lelu, nubilame bimpe, nubikumbaje.

Dielulula 8:11

Nuvuluke Maweja-Nangila Mvidi Mukulu wenu, nukumbaje meyi ne mikenji biende, bindi nnuambila lelu ebi.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 13:1

Nukumbaje mikenji yonsu indi munuambile eyi. Kanusakididi bualu, kanumbushi bualu.

Yoshua 3:9

Ke Yoshuwa kuambila bena Izrayele ne: — Semenayi apa, nuteleje mudi Maweja-Nangila Mvidi Mukulu wenu wamba.

Yirmeya 11:6

Maweja-Nangila kungambila kabidi ne: — Bualu ebu, ubuambe mu bimenga bia Yuda too ne mu misesu ya mu Yerushalayime: “Nunemeke ndondu utudi batue nenu, numukumbaje.