Dielulula 32:7 - MUKANDA WA MYIDI MUKULU

⁷ Vulukayi matuku a kale. Elayi meji ku bidimu bimane kupita. Ebejayi baledi benu, nebanuambile bivua bienzeka. Konkayi bakulumpe, nebanulondele malu a kale.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nuvuluke matuku a diambedi, nuelangane meji a bidimu ne bikondo bia bungi: webeshe tatu webe, ne yeye neakuleshe; ne bakulu benu, bobo nebakuambile.

Dielulula 32:7 Referans Kwoze

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Yeshaya 46:9

Nuvuluke malu enu a kale. Meme ke Mvidi Mukulu, kakuena mukuabu. Kakuena Mvidi Mukulu mukuabu udi bu meme.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Balombodi 6:13

Ngideyone kuandamuna ne: — Mukalenga wanyi, umfuile luse! Maweja-Nangila wikala netu, mutudi tupeta makenga onsu aa mbishi? Bishima bionsu bivua baledi betu batuambila bidi penyi? Bivua batulondela ne: Maweja-Nangila uvua mubapatule mu Ejipitu. Maweja-Nangila mmumane kutulekela bulelela. Mmumane kutufila mu bianza bia bena Madiyane.

Misambu 119:52

Maweja-Nangila, ndi mvuluka mapangadika ebe a kale, ngumvua dikisha mu muoyi.

Misambu 77:8

Maweja-Nangila neatubenge kashidi anyi? Kena kabidi netu bualu anyi?

Misambu 10:6

Udi wamba ne: “Tshiakutenkakana, kashidi dikenga kadiakunkuata!”

Ekesode 12:26

Pikala bana benu banukonka ne: nudi nuenza tshibilu etshi bua tshinyi?

Misambu 78:5

Uvua mulongeshe bantu bende, kuelelaye bena Izrayele mukenji, kuambilaye bankambua betu, bua balongeshe bana babu malu aa.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Misambu 44:2

Mvidi Mukulu wetu, tudi badiumvuile ne matshi etu, baledi betu ne bankambua bavua batuambile, malu manene auvua muenze ku kale mu tshikondu tshiabu.