Dielulula 27:1 - MUKANDA WA MYIDI MUKULU

¹ Moshe, pamue ne bakulu ba ditunga, kuya kudi bena Izrayele, kubambila ne: — Nukumbaje mikenji yonsu indi nnumanyisha lelu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mose ne bakulu ba mu Isalele bakambila bantu ne, Nutumikile mikenji yonso indi nnuambila lelu.

Dielulula 27:1 Referans Kwoze

Yowanane 15:14

Nudi balunda banyi, panudi nuenza mundi munuelele mukenji.

Yakobe 2:10

Bualu padi muntu utumikila mikenji mikuabu, ulekela umue, udi ushipa mikenji yonsu.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Dielulula 26:16

Lelu Maweja-Nangila Mvidi Mukulu wenu udi unuambila, bua nukumbaje meyi ende ne mikenji yende. Nubitumikile ne muoyi mujima, ne bukole buenu buonsu.

Dielulula 11:32

Diba adi, mwuluke bua kukumbaja meyi ne mikenji yende, bindi nnumanyisha lelu ebi.

Dielulula 26:19

Eyowa, ku bisamba bionsu bidi Maweja-Nangila Mvidi Mukulu wenu mufuke, mmusue bua nuenu nuikale babapite ku lumu, ku butumbi ne ku buneme. Mmusue bua nuikale bantu bende, badi bamuenzela mudimu bu muvuaye mumane kunuambila.

Dielulula 27:2

Dituku dinuasabuka musulu wa Yardene, bua kubuela mu ditunga didi Maweja-Nangila Mvidi Mukulu wenu munupe, nuimanyike mabue manene, nualabe lupemba.

Misambu 78:7

Bua bana batekemene kudi Mvidi Mukulu, kabayi bapua muoyi bidiye mubenzele, ne bua balame meyi ende.

Dielulula 1:1

Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

Dielulula 6:17

Nuitabe ku meyi, nukumbaje mikenji yende, bivuaye munuambile.

1 Kulondolola 28:8

Nenku, nuenu balunda banyi, bena Izrayele bonsu, tshisamba tshia Maweja-Nangila tshituilangane, kumpala kua Mvidi Mukulu wetu, udi mututeleje nenu, nulaye bua kulonga bimpe mikenji ya Maweja-Nangila Mvidi Mukulu wetu, ne bua kuyilama yonsu. Nenku nenupiane ditunga dimpe dinudi mpindiewu, nenudishile ne ndelanganyi yenu kashidi.