Dielulula 26:11 - MUKANDA WA MYIDI MUKULU

¹¹ Pashishe nuenu bena Izrayele, nusanke ne meku enu onsu bua bionsu bidi Maweja-Nangila Mvidi Mukulu wenu munuenzele. Kadi nusanke pamue ne bena Levi, ne benyi badi mu ditunga dienu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ nenusanke mu malu mimpe onso akanuha Yehowa, Nzambi wenu, ne nuenu ne ba mu nsubu yenu, ne Muena Lewi ne benyi badi munkatshi muenu.

Dielulula 26:11 Referans Kwoze

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Dielulula 28:47

Panuapeta bintu bia bungi, kadi kanuyi nuenzela Maweja-Nangila Mvidi Mukulu wenu, mudimu ne disanka, ne muoyi wenu mujima,

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

1 Korente 9:11

Tuvua bamiamine munda muenu maminu a Lumu lua Disanka, adi kaayi amueneka ku mesu. Mutudi katuyi mua kunowa kunudi bia panu bitudi tukengela mbishi?

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 27:7

Numulambule kabidi milambu ya bobumue, nuyidile muaba awu ne disanka kumpala kua Maweja-Nangila Mvidi Mukulu wenu.

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Muambi 3:12

Nanku meme kumvua ne: Diakalenga didi muntu nadi didi amu kusanka, ne kusomba bimpe panu patshidiye ne muoyi.

Muambi 3:13

Pikala muntu mua kudia, kunua ne kusanka ne bia ku mudimu wende, ndipa dia kudi Mvidi Mukulu.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 7:14

Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.