Dielulula 24:5 - MUKANDA WA MYIDI MUKULU

⁵ Patshidi muntu uselelaku mukaji, kena mua kuya ku mvita. Kabena mua kumuenzeja mudimu mukuabu wa ditunga. Ashale anu ku nzubu kuende tshidimu tshijima bua kusankisha mukajende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Habaka mulume mukashi muhia-muhia, kayi mu bisumbu bia bena nvita, kabamutekedi bujitu bukuabo; ashale mu nsubu wandi tô tshidimu tshijima, bua kusambeye mukashi wakuangateye.

Dielulula 24:5 Referans Kwoze

Nsumuinu 5:18

Usanke bua kusomba ne mukaji uuvua musungule, pautshivua nsongalume. Umusankishe.

Dielulula 20:7

Pikala muntu wa munkatshi muenu mubangile mukaji, kayi muanji kumubuelela mu nzubu, apingane kuende. Bualu udi mua kufua mu mvita, muntu mukuabu kuangata mukaji awu.”

Genese 2:24

Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Muambi 9:9

Sanka ne mukajebe uudi munange, mu matuku makese adi Mvidi Mukulu mukulame ne muoyi panu. Ke difutu diudi mua kupeta panu bua ntatu iudi nayi pa buloba.

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

Luke 14:20

Muntu muisatu kuamba ne: “Ndi musele amu mpindiewu. Nanku tshiena ne mushindu wa kuyaku to.”

Dielulula 24:6

Dibue didi muntu upela nadi biakudia, nansha mpelu wa dibue adi, kanuena mua kubikuata lukole to. Bualu nudi numupangisha mushindu wa kupetaye biakudia.