Dielulula 24:4 - MUKANDA WA MYIDI MUKULU

⁴ mulume wa kumpala kena mua kuangata kabidi mukaji awu to. Bualu mukaji awu kudi mulume ewu udi ne mikiya. Maweja-Nangila Mvidi Mukulu wenu, kena musue bua mulume awu amuangate tshiakabidi. Kanuena mua kunyanga ditunga didiye munupe, ne buenzayi bua mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ mulume wa diambedi, wakamûmusha mu nsubu wandi, kena mua kumuangata bu mukashi wandi kabidi, bualu bua mukashi wakumana kunyangisha; bualu ebu budi bubi ku mesu kua Yehowa. Nunku kanunyangi buloba budi Yehowa, Nzambi wenu, unuha bua nuenu kubuhiana.

Dielulula 24:4 Referans Kwoze

Yirmeya 3:1

Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Dielulula 24:3

mulume awu mumubenge kabidi, mumufundile mukanda mukuabu bua kushipa dibaka, mumupeshewu, mumuipate, nansha pikala mulume muibidi awu mufue,

Dielulula 4:21

Kadi Maweja-Nangila mmumfikile meme Moshe munda bualu buenu, muditshipe wamba ne: “Kuena mua kusabuka musulu wa Yardene, kufika mu ditunga edi dimpe, dindi mupeshe bena Izrayele to.”

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.