Dielulula 17:9 - MUKANDA WA MYIDI MUKULU

⁹ Nuebeje batuangaji ba bena Levi ne balumbuluishi, badi balumbuluisha dituku adi. Nebanuambile munudi mua kukosa tshilumbu atshi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ nenulue kudi bakuidi, Bena Lewi, ne kudi mulumbuluishi munene wa mu matuku au; nenubakonke, ne bobo nebanukosele tshilumbu.

Dielulula 17:9 Referans Kwoze

Yezekiyele 44:24

Mu bilumbu nebakose nsambu amu pa yoyi, bilondeshile mikenji yanyi. Nebenzeje bibilu amu bilondeshile meyi ne mikenji bimvua mufile. Nebambuluishe bantu bua banemeke bimpe dituku dia Dikisha, dikale dia tshijila.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Agayi 2:11

— Konka batuangaji bualu ebu:

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Ekesode 22:8

Pikala bantu batandangane bua bintu bijimine: ngombe, mpunde, mikoku, mbuji, bilamba nansha bintu bikuabu, nebaye kuditshipa bonsu babidi kudi Mvidi Mukulu. Wikale Mvidi Mukulu muambe ne: ke udi muibe awu, bua tshintu tshimue neafute bintu bibidi.

Dielulula 17:10

Nuitabe bionsu bidibu banuambila kudi batuangaji ne balumbuluishi, badi muaba wa tshijila wa Maweja-Nangila, nubikumbaje.

Dielulula 21:5

Pashishe bena Levi, badi Maweja-Nangila Mvidi Mukulu wenu musungule bua kumuenzela mudimu, ne bua kuela bantu lupemba mu dina dia Maweja-Nangila, nebasemene pabuipi. Bualu bobu ke badi mua kujikija bilumbu bionsu: bia matandu, bia mvita, nansha bia bantu batapangane.

Zekâya 3:7

Maweja-Nangila wa bukole buonsu udi ukulaya ne: “Wewe muitabe mikenji yanyi, mukumbaje bimvua mukufundile, nenkomekele bujitu bua kulama nzubu wanyi wa tshijila ne mbanza yende. Nanku nenkuteleje amu mundi nteleja batumibue badi bankuatshila mudimu muaba ewu.”

Ekesode 18:16

Padibu ne tshilumbu, badi bafika kundi. Ndi njikija matandu abu. Pashishe ndi mbamanyisha meyi ne mikandu bia Mvidi Mukulu.

Dielulula 16:18

Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

1 Kulondolola 26:29

Kenaniya ne bana bende, ba mu diku dia Ishare, bavua balombodi ba malu a mu ditunga dia bena Izrayele, bikale kabidi bandumbulula.

Zekâya 7:3

ne bua kukonka batuangaji ne bambi ne: — Tudi ne bua kutungunuka amu ne miadi, tujila kabidi biakudia mu ngondu muitanu wa tshidimu tshionsu, bu mutudi tuenza kukadi bidimu bia bungi anyi?