Dielulula 17:8 - MUKANDA WA MYIDI MUKULU

⁸ Pikala balumbuluishi ba muaba unudi basombe, bapangile tshilumbu tshia bantu, bavua bashipangane, batutangane, batapangane mputa, nansha benze tshilema tshikuabu kampande, nuye ne tshilumbu atshi muaba wikala Maweja-Nangila musungule.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bikala tshilumbu tshinuhite bukole, nansha hankatshi ha bashihianganyi, nansha hankatshi ha muntu ne muntu badi badiakuilangana, nansha hankatshi ha muntu ne muntu badi batutangana, mmalu adibo batandangana nʼau mu misoko yenu; hashishe nenubike, nenuye ku muaba udi Yehowa, Nzambi wenu, usungula;

Dielulula 17:8 Referans Kwoze

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Agayi 2:11

— Konka batuangaji bualu ebu:

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dielulula 19:17

bantu aba babidi nebaye natshi kudi batuangaji, ne kudi balumbuluishi badi balumbuluisha bilumbu dituku adi mu nzubu wa Mvidi Mukulu.

Dielulula 19:4

Amu muntu uvua mushipe muntu mukuabu mu mpukapuka, kayi nende ne lukinu, neanyemene mu tshimue tshia ku bimenga ebi bisatu bua kudipandisha.

Dibadika 35:16

“Pikalabu bashipe muntu ne tshiamu, nansha ne dibue nansha ne mutshi bidi mua kushipa muntu, mushipianganyi awu mmuena tshibawu. Nebamushipe pende.

Dibadika 35:11

nusungule bimenga bikuabu bidi muntu mua kunyemena, pikalaye mushipangane mu mpukapuka.

Ekesode 22:2

Kadi pikalabu bakuate muivi mu munya, mumushipi udi ne tshilumbu. Pikala muivi katshiyi ne bintu bivuaye muibe abi, nebamupane, ashale mupika bua buivi buende.

Ekesode 21:28

“Pikala ngombe mulume mushipe muntu mulume nansha muntu mukaji ku nsengu yende, ngombe awu bamuase mabue, bamushipe. Kadi kabena mua kudia munyinyi wende to. Nanku muena ngombe awu kena yeye ne bualu to.

Ekesode 21:22

“Pikala bantu balume batandangane, mukuabu kusakila mukaji muikale ne difu, mukaji kutula difu adi, kayi mushale usama, uvua mumusakile neafute tshibawu tshionsu tshikala bayende wa mukaji mulombe kudi balumbuluishi.

Ekesode 21:20

“Muntu mutuute mupika wende mulume nansha mukaji ne mutshi, mumushipe musangu umue, numunyoke.

Ekesode 18:26

Bakulu abu, bavua balumbuluisha bilumbu bikese matuku onsu. Kadi bilumbu binene bavua baye nabi kudi Moshe.

Ekesode 18:15

Moshe kumuandamuna ne: — Bantu aba mbafike kundi bua kuebeja mudi Mvidi Mukulu mua kukosa bilumbu biabu.

Ekesode 22:8

Pikala bantu batandangane bua bintu bijimine: ngombe, mpunde, mikoku, mbuji, bilamba nansha bintu bikuabu, nebaye kuditshipa bonsu babidi kudi Mvidi Mukulu. Wikale Mvidi Mukulu muambe ne: ke udi muibe awu, bua tshintu tshimue neafute bintu bibidi.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Yezekiyele 44:24

Mu bilumbu nebakose nsambu amu pa yoyi, bilondeshile mikenji yanyi. Nebenzeje bibilu amu bilondeshile meyi ne mikenji bimvua mufile. Nebambuluishe bantu bua banemeke bimpe dituku dia Dikisha, dikale dia tshijila.

Dielulula 12:14

Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.

Dielulula 21:5

Pashishe bena Levi, badi Maweja-Nangila Mvidi Mukulu wenu musungule bua kumuenzela mudimu, ne bua kuela bantu lupemba mu dina dia Maweja-Nangila, nebasemene pabuipi. Bualu bobu ke badi mua kujikija bilumbu bionsu: bia matandu, bia mvita, nansha bia bantu batapangane.

2 Samuele 15:2

Butshia dinda, Absalome kuimana kumpenga kua njila ku tshibuelelu tshia tshimenga. Misangu yonsu pavua muntu upita bua kuya ne tshilumbu tshiende kudi mukalenga Davide bua atshikose, Absalome uvua umukonka ne: — Udi ufuma penyi? Muntu uvua wandamuna ne: — Muana wa mukalenga, ndi mfuma mu tshisamba kampande tshia bena Izrayele.

1 Kulondolola 26:29

Kenaniya ne bana bende, ba mu diku dia Ishare, bavua balombodi ba malu a mu ditunga dia bena Izrayele, bikale kabidi bandumbulula.