Dielulula 16:10 - MUKANDA WA MYIDI MUKULU

¹⁰ Pashishe nuenze tshibilu tshia Dinowa dia biakudia, bua kutendelela Maweja-Nangila Mvidi Mukulu wenu. Nufile milambu ya ku budisuile, bilondeshile bionsu bidi Maweja-Nangila munuenzele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nenudie bidia bia disanka dia mbingu ei muanda mutekete ku mesu kua Yehowa, Nzambi wenu, ne diha didi mitshima yenu misue kufila mu bianza bienu, bu muakanuvudishila Yehowa, Nzambi wenu, disanka.

Dielulula 16:10 Referans Kwoze

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

2 Korente 8:10

Nanku ndi mfila meji mu bualu ebu: bidi bimpe bua nutungunuke ne binuvua bashile mu njila tshidimu tshishale. Nuvua ba kumpala bua kubanga mudimu awu, ba kumpala kabidi bua kuwelela meji.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Nsumuinu 10:22

Kabiena kuluila. Maweja-Nangila nkayende ngubipapa bantu.

Dibadika 31:37

Ku yoyi ayi bavua bumushile Maweja-Nangila 675.

Dibadika 31:28

Ku bintu bidibu bangate kudi bena mvita bavua mu mvita, pa bantu nkama itanu, nungumushile muntu umue, pa nyama nkama itanu, nungumushile nyama umue: ngombe umue, mpunde umue, mukoku umue ne mbuji umue.

Lewitiki 25:26

Padi muntu awu kayi ne muena diku diabu, udi mua kubupikula, akebe yeye mene mushindu wa kudipikuilabu nkayende.

Lewitiki 12:8

“Kadi padi mukaji awu kayi mua kupeta muana wa mukoku, udi mua kufila nkudimba ibidi, nansha tumanda-nkutshi tubidi. Nyunyi umue ikale bu mulambu wa kuosha, mukuabu ikale bu mulambu wa kumukobolola nawu. Nanku padi mutuangaji ulambula bintu abi kudi Maweja-Nangila, buvyele bua mukaji buajiki.”

Lewitiki 5:7

“Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Dielulula 16:9

Kutuadija dituku dinuvua nubanga kunowa biakudia bienu, nubadike mbingu milondangane muanda mutekete.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Lewitiki 23:15

“Nubadike mbingu muanda mutekete milondangane, bituadije dituku didi dilonda dia Dikisha, dinudi bandambula biakudia bia tshianyi bia mu madimi enu.

Dibadika 28:26

“Dituku dia tshibilu tshia kunowa Biatshianyi, panudi nundambula meme Maweja-Nangila biakudia bia tshianyi bia mu madimi enu, kanuenji mudimu to. Nudisangishe bua kuntendelela.

1 Kulondolola 29:14

Meme ndi muntu wa tshianana. Bantu banyi badi bantu ba tshianana. Tuetu katuena mua kukulambula milambu eyi ku bukole buetu. Tudi bapete bionsu amu kuudi. Nenku tudi mua kukulambula amu bitudi bapete kuudi.

2 Kulondolola 31:14

Tshiibi tshia ku luseke ludi diba dipatukila lua nzubu wa Mvidi Mukulu, bavua batshilame kudi muena Levi mukuabu, dina diende Kora, muana wa Imna. Muena levi awu uvua ne mudimu kabidi wa kuangata milambu ya budisuileivua bantu balambula Mvidi Mukulu, ne wa kuabanya bintu bia ku milambu ya tshijila, ne bia ku milambu ya tshijila menemene.