Dielulula 14:1 - MUKANDA WA MYIDI MUKULU

¹ Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu nudi bana ba Yehowa, Nzambi wenu: kanuditahi nsalu, kanubeyi makiki enu bualu bua bantu bafue.

Dielulula 14:1 Referans Kwoze

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Rome 9:8

mBuena kuamba ne: ki mbana badibu balela ku bukole bua buntu buabu, badi bana ba Mvidi Mukulu to. Kadi amu bana badibu balela bilondeshile dilaya dia Mvidi Mukulu, ke badi ndelanganyi menemene ya Abrahame.

Lewitiki 21:5

“Padi batuangaji mu madilu, kabena mua kubeya biketu mu nsuki, kabena mua kukungula miedi ku nseke, nansha kuditapisha nsalu pambidi.

Rome 9:26

Muaba menemene uvuabu babambile ne: ‘Kanuena bantu banyi’, nebababikile ne: mbana ba Mvidi Mukulu udi ne muoyi.”

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.

Yowanane 1:12

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yirmeya 3:19

Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Genese 6:4

Tshikondu atshi bantu bale ba kafiondu bavua pa buloba. — Bavua bashale kabidi pa buloba pashishe —. Bavua bana ba badi basombele mulu bavuabu balele ne bana ba bakaji ba bantu bavuabu basela. Bantu ba kafiondu aba bavua bilobu bia kalanda musenga ku kale.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

1 Yone 5:2

Tudi bamanye mutudi banange bana ba Mvidi Mukulu, patudi tunanga Mvidi Mukulu, tulonda kabidi mikenji yende.

1 Tesalonike 4:13

Bana hetu, tudi tujinga bua numanye mu bulelela malu adi atangila bantu bafue, bua kanubungami bu bantu bakuabu badi kabayi ne ditekemena.

Yirmeya 47:5

Bena Ngaza mbakungule mu mitu, badi mu madilu. Bena mu Askalone mbashale bapuwa ne kanyinganyinga. Nuenu ndelanganyi ya bantu ba mpolondu. Nenuditape mputa pambidi too ne ku diba kaayi?

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.

1 Bakalenga 18:28

Bambi ba Baale kuela mbila bikole bipite, bilondeshile tshilele tshiabu, kuditapabu miela ne mafuma. Mashi kupatuka pambidi pabu.

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.