Dielulula 12:6 - MUKANDA WA MYIDI MUKULU

⁶ Muaba awu, ke unudi mua kulambuila bintu bionsu binudi nabi: milambu ya kuosha, ya bobumue, tshia dikumi tshia bintu bia mu madimi, milambu ya budisuile, milambu ya mapiku, too ne ya banabute ba bimuna bienu: ngombe, mikoku ne mbuji.

Mukanda wa Nzambi Dihungila Dikulukulu ne Dihungila Dihia-dihia 2003

⁶ nenulueku ne milambu yenu ya kuosha, ne nyama mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu, ne bintu bidi mitshima yenu misue kufila, ne banʼa bute ba ngombe yenu ne ba mikoko yenu.

Dielulula 12:6 Referans Kwoze

Luke 18:12

Meme ndi njila biakudia matuku abidi ku lumingu, nkulambula tshia dikumi tshia bintu bionsu bindi mpeta.”

Luke 11:42

“Nuenu Baparushe, nudi bena diakabi! Nudi nulambula tshia dikumi tshia bia mu madimi enu, tshia tshiluabenyi, tshia tshikote, nansha tshia bisekiseki bishilangane bikuabu. Kadi kanuena basue kuenzela bantu bimpe, nansha kunanga Mvidi Mukulu. Ke binuvua ne bua kuenza ebi, kanuyi nulengulula bikuabu abi.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Yezekiyele 20:40

Nanku, bena Izrayele bonsu badi mu ditunga nebantendelele pa mukuna munene wa Izrayele, udibu bajidile mu dina dianyi. Muaba awu, nennuakidile bimpe; nennulombe bua nuntuadile bionsu binudi basue kundambula, nyama ne bintu bimpe bia pa madimi enu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 12:17

Milambu yonsu inudi nulambula Maweja-Nangila: ya ntete ya kuenza bukula, ya maluvu, ya mafuta, ya bamuanabute ba bimuna bienu, ngombe, mikoku, mbuji, milambu ya budisuile ne ya mapiku, kanuena mua kudila bintu bia ku milambu ayi mu nzubu yenu to.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Yoshua 22:27

Tudi tujinga bua tshilambuilu etshi tshikale tshimanyinu tshietu nenu ne ndelanganyi yalonda, tshijadike ne: tuetu tudi mua kutendelela Maweja-Nangila, tudi mua kulambula milambu ya kuosha, ya bobumue, nansha ya mushindu mukuabu. Nanku ndelanganyi yenu kayena mua kujadikila yetu ne: kanuena ne tshinudi mua kuamba kumpala kua Maweja-Nangila.

1 Samuele 1:24

Ane mumane kutekesha muana dibela, nansha mutshivuaye mutekete, Ane kuya nende mu nzubu wa Maweja-Nangila ku Silo. Ane ne bayende Elkana, kuangata ngombe mulume wa bidimu bisatu, mufuku wa bukula ne mulondu wa biseba muwule ne maluvu.

Ezela 3:2

Mutuangaji Yeshuwa, muana wa Yoshadake, pamue ne batuangaji bakuabu, bana babu, kabidi ne Zerubabele, muana wa Sheyaltiyele, ne bana babu, kutuadijabu kuibakulula tshilambuilu tshia Mvidi Mukulu wa bena Izrayele, bua bamone mua kulambuilapu milambu ya kuosha, bu mudibu balombe mu mikenji ya Moshe, muntu wa Mvidi Mukulu.

Nehemya 10:39

Nanku mutuangaji wa ku ndelanganyi ya Arone, neaye ne bena Levi, bua kuangata tshia dikumi atshi. Bena Levi nebafike ne tshia dikumi atshi mu nzubu wa Mvidi Mukulu, mu bibambalu mudibu bateka bintu bia mushinga.

1 Samuele 1:21

Pashishe Elkana kuya kabidi ku Silo ne bena nzubu wende bonsu bua kulambula Maweja-Nangila mulambu wa ku tshidimu, ne mulambu wa mapiku avuaye muela.

2 Kulondolola 7:12

Maweja-Nangila kumumuenekela munkatshi mua butuku, umuambila ne: — Ndi mumvue dilomba diebe. Ndi muanyishe nzubu ewu bua bikale bandambuilamu milambu.

2 Kulondolola 31:14

Tshiibi tshia ku luseke ludi diba dipatukila lua nzubu wa Mvidi Mukulu, bavua batshilame kudi muena Levi mukuabu, dina diende Kora, muana wa Imna. Muena levi awu uvua ne mudimu kabidi wa kuangata milambu ya budisuileivua bantu balambula Mvidi Mukulu, ne wa kuabanya bintu bia ku milambu ya tshijila, ne bia ku milambu ya tshijila menemene.

Nehemya 10:36

Tshidimu tshionsu netufile kabidi mu nzubu wa Mvidi Mukulu bintu bia kumpala bia mu madimi, too ne bimuma bia mitshi yetu.

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.