Dielulula 12:12 - MUKANDA WA MYIDI MUKULU

¹² Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Dielulula 12:12 Referans Kwoze

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 26:12

Padi bidimu bisatu bikumbana, nenuikale ne “tshidimu tshia bia dikumi.” Nufile tshia dikumi, mmumue ne: tshintu tshimue tshia ku bintu dikumi binudi banowe. Biakudia abi, nebabiangate kudi bena Levi, bana ba nshiya, bakaji bakamba, ne benyi badi munkatshi muenu. Nanku nebikale ne biakudia bia bungi, kabayi bakenga munkatshi muenu.

Dielulula 10:9

Ke pavua bena Levi kabayi bapeta wabu muaba wa bumpianyi bu bisamba bikuabu. Tshiabu tshidibu natshi, mbua kuenzela Maweja-Nangila Mvidi Mukulu wenu mudimu, bu muvuaye mumane kubambila.)

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dielulula 12:19

Numanye ne: matuku onsu anudi mu ditunga dienu, kanuena mua kulengulula bena Levi to.

Misambu 147:1

Tumbishayi Maweja-Nangila, Aleluya! Mbimpe kuimbila Mvidi Mukulu wetu misambu, bidi biakane kumutumbisha bu mudiye musue!

2 Kulondolola 29:36

Izkiya ne bantu bavuaye nabu kusanka bua pavua Maweja-Nangila mubambuluishe, bua kujikija bionsu abi lukasa.

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

Yoshua 14:4

Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.

Yoshua 13:33

Kadi Moshe kuvua mupeshe bena tshisamba tshia Levi buloba to. Uvua ubambila muvua tshiabu tshidibu mua kupeta amu mudimu udibu benzela Maweja-Nangila Mvidi Mukulu wa bena Izrayele.

Dibadika 18:20

Maweja-Nangila kuambila kabidi Arone ne: — Mu ditunga dindi mpesha bena Izrayele, kuakupetamu tshiebe tshitupa tshia buloba, nansha buebe bupianyi to. Meme ke bupianyi buebe ne bubanji buebe munkatshi mua bena Izrayele bonsu.

Yoshua 13:14

Bena tshisamba tshia Levi nkayabu kabawa bapeta maloba to. Bualu ndelanganyi ya bena Levi idi mua kupeta anu bintu ku milambu idi bantu boshila Maweja-Nangila Mvidi Mukulu wa bena Izrayele, bu muvua Maweja-Nangila nkayende mumane kubalaya.

Dibadika 18:26

bua amanyishe kabidi bena Levi ne: — Pikala bena Izrayele bafike ne tshia dikumi tshindi munupeshe atshi, nuenu nkayenu numushe kabidi tshia dikumi ku tshia dikumi atshi bua kutshindambula.

Dielulula 18:6

Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Dielulula 16:14

Nanku nuenu bena Izrayele bonsu, bana benu, bena mudimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu, nusanke bua tshibilu etshi.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Yowanane 13:8

Petro kumuamba ne: — To, katshia kuena mua kungowesha mayi ku makasa nansha! Yezu kumuandamuna ne: — Meme tshiyi mukuoweshe mayi ku makasa, kuena mua kupeta kabidi tshintu nansha tshimue kundi.

Bienzedi 8:21

Wewe kuena mua kukuata netu mudimu nansha kakese, bualu muoyi webe kawena mululame kumpala kua Mvidi Mukulu.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 26:11

Pashishe nuenu bena Izrayele, nusanke ne meku enu onsu bua bionsu bidi Maweja-Nangila Mvidi Mukulu wenu munuenzele. Kadi nusanke pamue ne bena Levi, ne benyi badi mu ditunga dienu.

Nehemya 8:9

Bantu bonsu kudila muadi pa kumvua mikenji eyi. Nanku Nehemya mulombodi wa buloba abu, Ezra, mutuangaji mumanyi mupiluke wa mikenji, ne bena Levi bavua bumvuija mikenji, bavua babambila ne: — Lelu ndituku dia tshijila dia Maweja-Nangila Mvidi Mukulu wenu. Kanuena mua kubungama, nansha kudila to.

Lewitiki 23:40

Lumingu alu lujima, kutuadija ku dituku dia kumpala, nupole bimuma, nukose matamba a mitshi, nutape malala ne ntupu. Nuende ngendu ya mazengu lumingu lujima kumpala kuanyi meme Maweja-Nangila.

Dielulula 27:7

Numulambule kabidi milambu ya bobumue, nuyidile muaba awu ne disanka kumpala kua Maweja-Nangila Mvidi Mukulu wenu.