Dielulula 11:9 - MUKANDA WA MYIDI MUKULU

⁹ Nanku nenulale matuku a bungi mu ditunga adi, didi ne biakudia bia bungi, divua Maweja-Nangila mumane kuditshipa bua kupesha bankambua benu, ne ndelanganyi yabu yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ ne bua nuenu nuvudishangane matuku enu mu buloba buakalaya Yehowa batatu benu bua kubahabu ne tunkanunuma tuabo, buloba budi bûle tente ne mabele ne buitshi.

Dielulula 11:9 Referans Kwoze

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Nsumuinu 10:27

Badi batshina Maweja-Nangila badi balala matuku mavule pa buloba, kadi benji ba malu mabi badi badianza kufua lukasa.

Nsumuinu 9:11

Meme, Meji, nemvudije matuku ebe. Neulale panu matuku mulongulongu.

Nsumuinu 3:16

Meji adi ambuluisha muntu bua kulala panu matuku mulongulongu. Adi amupetesha bubanji ne lumu.

Nsumuinu 3:2

Wewe muyilame, neusombe bimpe panu; neulalepu matuku mavule; newikale ne diakalenga.

Dielulula 6:18

Nusankishe Maweja-Nangila, nuenze bidi bimulengelela. Nanku nenuikale bena diakalenga, nenukuate ditunga dimpe, divua Maweja-Nangila mulaye bankambua benu.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 8:7

Maweja-Nangila Mvidi Mukulu wenu, neanufikishe mu ditunga dimpe, didi ne tshitalela tshia mayi a misulu ne a mpokolu mivule, adi apatuka mu tshibandabanda, nansha mu mukuna.

Dielulula 11:10

Ditunga dinudi nukuata mpindiewu, kadiena bu ditunga dia Ejipitu dinudi bumuke to. Bualu mu Ejipitu, panuvua nukuna ntete, nuvua numbula mikidi bua kufikishisha mayi mu budimi amu, bu mudibu benza mu lupangu lua biseki.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 6:3

Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

Dielulula 11:21

Nuenu bakumbaje mikenji eyi, matuku onsu atshidi diulu kulu ne buloba panshi, nenushale ne muoyi, nuenu ne ndelanganyi yenu, mu ditunga divua Maweja-Nangila mulaye bankambua benu.