Dielulula 10:21 - MUKANDA WA MYIDI MUKULU

²¹ Numutumbishe, bualu yeye nkayende ke Mvidi Mukulu wenu. Udi munuenzele malu manene a kukema, adi akuatshisha bowa, anudi bamone.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye udi butumbi buenu, yeye udi Nzambi wenu, wakanuenzela malu manene ne a kukema anuakatangila ku mesu.

Dielulula 10:21 Referans Kwoze

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Misambu 22:3

Mvidi Mukulu wanyi, butuku ne munya, ndi nkubikila, kadi tshiena mpeta dikisha, bualu kuena ungambuluisha!

2 Samuele 7:23

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe Maweja-Nangila uvua mufike bua kupikula amu bena Izrayele ku bupika bua bena Ejipitu, ne mu bianza bia mvidie yabu, bua bikale tshisamba tshiebe wewe. Nanku udi mupeteshe bena Izrayele lumu, bualu udi mubenzele malu a dikema, nansha adi akuatshisha bowa mu ditunga diebe.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yeshaya 64:3

Katshia kabena banji kumvua bamba, ki mbanji kumanya, mesu katshia ki mmamone mvidie mukuabu udi wambuluisha, bantu badi batekemena kudiye, muudi wewe ubambuluisha.

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Misambu 109:1

Musambu wa mu mukanda wa mulombodi wa bena misambu. Wa mu mukanda wa misambu ya Davide. Mvidi Mukulu wewe ke undi ntumbisha, kupuwi nansha,

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

Misambu 145:6

Bantu bambilangane bua bukole buebe budi bukuata bowa! Kadi meme nemmanyishe malu manene audi muenze.

Misambu 148:14

Kupeshaye tshisa tshiende lumu, kutshizangika. Kutumbishaye bantu badi bamulamata, kutumbisha tshisa tshiende tshijima tshia bena Izrayele. Tumbishayi Maweja-Nangila, Aleluya!

Ekesode 34:10

Maweja-Nangila kuambila Moshe ne: — Ndi ntua nebe ndondu, nengenze malu a kukema munkatshi muenu, adi kaayi manji kuenzeka mu tshisamba tshikuabu pa buloba bujima. Bua bena Izrayele bonsu banudi nabu bajadike mudimu muimpe undi mubenzele pamue nebe.

Yoshua 24:18

Maweja-Nangila ke uvua muipate bisamba bionsu bivua kumpala kuetu, nangananga bena Amore bavua mu ditunga ditudi edi. Nanku tuetu netuenzele amu Maweja-Nangila mudimu. Bualu Yeye ke Mvidi Mukulu wetu.