Dielulula 1:8 - MUKANDA WA MYIDI MUKULU

⁸ Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Monai, nakuteka buloba ebu buonso ku mpala kuenu: nubuelemu, nuhiane buloba buakalaya Yehowa batatuʼetu Abalahama ne Isaka ne Yakoba, bua kubahabu ne tunkanunuina tuabo tudi tubalonda ku nyima.

Dielulula 1:8 Referans Kwoze

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Ebrewu 6:13

Pavua Mvidi Mukulu mulaye Abrahame, uvua muditshipe. Bu muvuaku kakuyi muntu mukuabu uvua mumupite bunene bua amone mua kuditshipa, kutela dina dia muntu awu, Mvidi Mukulu uvua muditshipe utela amu dina diende yeye.

Ebrewu 6:14

Kuambaye ne: “Ndi nkulaya ne: nenkuele lupemba. Nemvudije ndelanganyi yebe.”

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Ekesode 33:1

Pashishe, Maweja-Nangila kuambila Moshe ne: — Umukayi muaba ewu ne bena Izrayele bonsu, bauvua mupatule mu Ejipitu. Ndayi kusomba mu ditunga dimvua mulaye Abrahame, Izake ne Yakobe. Mvua mumane kutshipa bua kubapesha ditunga adi ne ndelanganyi yabu.

Dibadika 14:23

Nanku, muntu wa kudibu nansha umue uvua muntombokele kena mua kufika mu ditunga dia Kenaane, dimvua mulaye bankambua babu to.

Dibadika 32:11

“Bantu bonsu bavua bapatuka mu Ejipitu, badi ne bidimu makumi abidi ne pa mutu, kabena mua kufika mu ditunga dimvua mulaye Abrahame, Izake ne Yakobe to, bualu mbantombokele.

Dielulula 1:11

Ndi njinga bua Maweja-Nangila, Mvidi Mukulu wa bankambua benu, anuvudije kabidi, nuvulangane misangu tshinunu. Anuele lupemba, bu muvuaye munulaye.

Dielulula 11:24

Ditunga dijima ndienu. Mikalu yadi idi mushindu ewu: kutuadija ku tshipela tshidi kuinshi mu ditunga, too ne ku mikuna ya Lebanone, idi ku mutu mu ditunga; ku musulu munene wa Perate luseke lua kudi diba dipatukila, too ne ku Mayi manene a pankatshi pa matunga, luseke lua kudi diba dibuelela.

Nehemya 9:15

Pavuabu ne nzala, Wewe kubapesha biakudia bia mu diulu. Pavuabu ne nyota, wewe kubapesha mayi a mu lubuebue. Wewe kubatuma bua baye kukuata ditunga, diuvua mubalaye, mutshidipe.

Yirmeya 32:22

Uvua mulaye bankambua betu, muditshipe ne: nennupeshe ditunga. Ke muaba utudi tusomba lelu. Ditunga edi didi ne mabela ne buitshi, wewe kubapeshadi.

Yezekiyele 47:14

Nudi mua kuabanyangana buloba ne muoyi wa kalolu. Bualu mvua muditshipe bua kufila ditunga dia bena Izrayele kudi bankambua benu. Nanku nudi mua kudipeta bu bumpianyi buenu.

Dielulula 1:35

“Muntu nansha umue wa ku ndelanganyi eyi mibi, kena mua kufika mu ditunga dimpe, dimvua mulaye bankambua benu to.

Dielulula 2:29

Ndelanganyi ya Esawu, idi misombe mu mikuna ya Seyire, ne bena Mowabe, badi basombe mu Are, mbamane kuitaba bua tupitshile muabu. Pashishe netusabuke musulu wa Yardene, bua tufike mu ditunga, didibu batupe kudi Maweja-Nangila Mvidi Mukulu wetu.”

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 6:10

Panuafika mu ditunga, didi Maweja-Nangila Mvidi Mukulu wenu unupesha, nuwuaye mulaye bankambua benu, Abrahame, Izake ne Yakobe, nenusangane bimenga bimpe, binene, binuvua kanuyi bibake to.

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.

Dielulula 7:12

Nuenu bateleje mikenji eyi, bayikumbaje, Maweja-Nangila Mvidi Mukulu wenu, nealame ndondu uvuaye mutue ne bankambua benu, bua nuenu kuikala bena diakalenga.

Dielulula 7:13

Nanku panuafika mu ditunga didi Maweja-Nangila munupe, divuaye mulaye bankambua benu, bu mudiye mununange, Yeye neanusankishe. Nenulele bana ba bungi. Nenuikale ne bintu bipite bungi: ntete ya kuenza bukula, mvinyo, mafuta, ngombe, mikoku ne mbuji.

Dielulula 8:1

Nuenu batumikile mikenji indi nnuambila lelu eyi, neyinuambuluishe bua kusomba bimpe. Nemwulangane. Nenukuate ditunga, divua Maweja-Nangila mulaye bankambua benu.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Dielulula 10:11

Kungambilaye kabidi ne: “Bangayi luendu! Wikale wenda kumpala kua bantu. Baye kukuata ditunga dimvua muditshipe bua kupesha bankambua babu!”

Dielulula 11:9

Nanku nenulale matuku a bungi mu ditunga adi, didi ne biakudia bia bungi, divua Maweja-Nangila mumane kuditshipa bua kupesha bankambua benu, ne ndelanganyi yabu yonsu.

Dielulula 26:3

Pashishe muntu awu aye kudi mutuangaji, udi wenza mudimu musangu awu, amuambile ne: “Lelu ndi mfila bintu ebi, bua kujadika ne: Maweja-Nangila Mvidi Mukulu webe, wamfikishi mu ditunga divuaye mulaye bankambua betu.”

Dielulula 26:15

Mu diulu, muaba webe wa tshijila, muudi musombe, wambuluishe tshisamba tshiebe tshia Izrayele, badi mu ditunga didi ne biakudia bia bungi, diudi mutupe bu muuvua mulaye bankambua betu.”

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

Dielulula 29:12

Nanku nuenu bena Izrayele, nenuikale tshisamba tshia Maweja-Nangila Mvidi Mukulu wenu. Yeye neikale Mvidi Mukulu wenu, bu muvuaye mumane kunulaya, muditshipe kabidi kudi bankambua benu, Abrahame, Izake ne Yakobe.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Dielulula 31:7

Pashishe Moshe kubikila Yoshuwa, kumuambila, bena Izrayele bonsu bateleja, ne: — Kankamana! Kolesha muoyi. Wewe neufikishe bena Izrayele bonsu mu ditunga divua Maweja-Nangila mulaye bankambua babu. Wewe neubabanyine miaba ya kuasa.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Yoshua 1:6

Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.