Dielulula 1:16 - MUKANDA WA MYIDI MUKULU

¹⁶ Pashishe meme kuambila balumbuluishi bua bakose bilumbu bia bantu mushindu ewu: “Nuteleje bilumbu bia bana benu bimpe. Padi tshilumbu pankatshi pa muena Izrayele ne muanabu, nansha ne muenyi udi munkatshi muenu, nutshikose anu pa tshiotshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Meme nakadimusha balumbuluishi benu tshikondo atshi ne, Unvuai bilumbu bia bana benu, nulumbulule bilumbu bia muntu ne muanʼabo mulume ne muenyi udi nʼandi biakane.

Dielulula 1:16 Referans Kwoze

Yowanane 7:24

Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.

Lewitiki 24:22

“Mikenji eyi idi bua bantu bonsu, nansha benyi, nansha bena Izrayele. Bualu meme ndi Maweja-Nangila Mvidi Mukulu wenu.”

Ekesode 22:21

Kanukengeshi bakaji bakamba nansha bana ba nshiya.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 5:21

Ndi nkulomba, nkusengelela kumpala kua Mvidi Mukulu, kua Yezu Kristu, ne kua batumibue bende ba tshijila ne: ulame mikenji eyi, kuyi ne kansungasunga mu biudi wenza, kuyi wengeleka muntu, kuyi umukengesha patupu.

Misambu 58:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide.

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Dielulula 27:11

Anu dituku adi, Moshe kuambila bena Izrayele ne:

Dielulula 24:14

Pikala muena mudimu mupela nansha muena dikenga, nansha yeye muanenu nansha muenyi udi musombe mu tshimenga tshia mu ditunga dienu, kanumutatshishi to.

Dibadika 27:19

Umuleje kudi mutuangaji Elazare, ne kudi bena Izrayele bonsu, bua bajadike ne: yeye ke udi upingana pa muaba webe.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

1 Tesalonike 2:11

Nudi bamanye mutuvua benzele yonsu wa kunudi, amu mudi tatu wenzela bana bende.

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Dielulula 1:15

Nanku bua kunulombola, mvua mubikidishe bantu bashindame, ba lumu luimpe, bavua bamane kuikala ne midimu mikuabu mu bisamba bienu. Meme kuteka bua bikale bamfumu, banulombola mu bisumbu bia bantu tshinunu, lukama nansha makumi atanu, too ne ku bia bantu dikumi. Meme kuteka bena Izrayele bakuabu ku mudimu wa kuludika bantu ku tshisamba tshienu tshionsu.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Nsumuinu 31:9

Ubakuile, ukose nsambu pa yoyi. Ulumbulule bilumbu bia bapele ne bakengi.”