Didimanyisha 9:3 - MUKANDA WA MYIDI MUKULU

³ Mpasu kupatuka mu muinshi awu, kutangalaka pa buloba. Mpasu ayi kupeta bukole bu bua tuminyiminyi.

Mukanda wa Nzambi Dihungila Dikulukulu ne Dihungila Dihia-dihia 2003

³ Ne mikumbi yakabatuka mu muinshi ha buloba; bakuiha bukole bu mudi tuminyiminyi tua ha buloba ne bukole.

Didimanyisha 9:3 Referans Kwoze

Didimanyisha 9:5

Kayivua ne bukenji bua kushipa bantu abu to; kadi amu bua kubakengesha ngondu itanu. Ivua isuma muntu, usama bu musuma kudi kaminyiminyi.

Yowele 1:4

Tshintu tshiyuabu bashiye mu madimi kudi meshi, nebatshidie kudi mpasu; tshiwa mpasu mishiye, nebatshidie kudi mintuntu; tshivua mintuntu mishiye, nebatshidie kudi mpasu ya mikumbi.

Yowele 2:25

Maweja-Nangila udi wamba ne: “Nennupingajile bintu bienu, biwabu badie kudi meshi, mintuntu, ne mpasu ya mikumbi, bimvua munutumine bisumbu ne bisumbu bua kunukengesha.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

1 Bakalenga 12:11

Tatu wanyi mmunuambuishe bujitu ku mutshi wa kuambula nawu bujitu. Kadi meme, nensakidila bujitu bukuabu ku mutshi aku. Tatu wanyi uvua unukengesha, unutuuta mikaba bitekete. Kadi meme nennukengeshe, nnutuute mikaba misuika tukanu.”

Balombodi 7:12

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, bavua bapasalala mu mpata bungi bu mpasu. Bivua ne tumelu tupite bungi, bu lusenga ludi ku muelelu wa mayi manene.

Luke 10:19

Telejayi: mvua munupeshe bumfumu bua nudiate nyoka ne tuminyimynyi, ne bua nutshimune bukole buonsu bua muluishi. Kakuena tshintu tshianuenzela bibi.

Nahume 3:17

Batangidi ba bena mudimu bebe bavua batape bu mpasu, bena mudimu bebe bavua benda mabumbu, bu mpasu ya mikumbi diba dia mashika, idi ikila mu mitshi. Kadi padi munya ukola, idi ibuka. Kabena bamanye kudiyi iya. Eyowa, mmiye penyi?

Nahume 3:15

Kadi nenufue, nebanuoshile mu tshimenga tshienu, nebanushipe mu mvita, nenubutuke bu mabeji, adi mpasu ya mikumbi idia, imana. Nuenu bena Ninive, nuvua bavulangane bu mpasu, idi ibuka bisumbu ne bisumbu.

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

Yeshaya 33:4

Diba adi, netupawule bintu, mudi mpasu imata panshi, idia bisosa. Tudi tudiela pa bia baluishi betu, mudi mikumbi ikila pa bia mu madimi.

2 Kulondolola 10:11

Tatu wanyi uvua munuambuishe bujitu bupite. Meme nemvudije bujitu buenu bikole bipite. Tatu wanyi uvua ununyoka ne mikaba. Kadi meme nennunyoke ne mikaba idi ne biamu ku nsongu.”

2 Kulondolola 10:14

bilondeshile lungenyi luvuaye mupete kudi bansongalume, bena mulongu nende. Robowame kuambila bena Izrayele ne: — Nennuambuishe bujitu bunene bupite, nensakidile amu kusakidila bujitu pa bujitu. Tatu wanyi uvua unukumisha mikaba, kadi meme nennukumishe mikaba idi ne biamu ku nsongu.

Didimanyisha 9:7

Mpasu eyi numfuane tubalu tuvuabu balongolola ku mvita. Pa mitu payi padi bintu bu bifulu bia mpawungi. Mpala yayi numfuane ya bantu.