Didimanyisha 12:3 - MUKANDA WA MYIDI MUKULU

³ Tshintu tshikuabu kumueneka mu diulu: ke nyoka mukunze munene wa tshidika, muikale ne mitu muanda mutekete, kabidi ne nsengu dikumi. Ku mutu onsu kuvua tshifulu tshia bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

³ Ne tshimanyinu tshikuabo tshiakamuenebua mu diulu; ne mona, dragon mukunze, muikale ne mitu muanda mutekete ne nsengu dikumi, ne bifulu bia butumbi muanda mutekete ha mitu handi.

Didimanyisha 12:3 Referans Kwoze

Didimanyisha 17:12

Nsengu dikumi iudi mumone ayi, ke bakalenga dikumi badi kabayi banji kudia bukalenga. Kadi nebabudie pamue ne nyama, bua bikale ku bumfumu diba amu dimue.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Didimanyisha 17:16

Kadi nsengu dikumi iuvua mumone, kabidi ne nyama, nebikine mukaji muena buendenda. Nebimunyenge bionsu bidiye nabi, bimushiye butaka. Nebidie munyinyi wende, bibutule biende bidi bishala mu kapia.

Didimanyisha 17:7

Ke mutumibue kungebeja ne: — Muudi ukema nanku mbishi? Nenkumvuije bualu busokome bua mukaji ewu, ne bua nyama wa mitu muanda mutekete ne nsengu dikumi udi mumuambule.

Danyele 7:24

Nsengu dikumi, idi bakalenga dikumi balondangane mu bukalenga abu. Mukalenga wa dikumi ne umue, mushilangane ne bakuabu bavua bamudianjidile, neumbushe bakalenga bakuabu basatu, bua kudiaye bukalenga.

Danyele 7:20

Mvua musue kumanya bualu bua nsengu dikumi ivua nayi nyama ku mutu; lusengu lukuabu luvua lumena, lutula nsengu mikuabu isatu. Lusengu alu luvua ne mesu, kabidi ne mukana muvua muakule miaku ya ditambisha. Luvua lumueneka bu lupite nsengu mikuabu bunene.

Didimanyisha 20:2

Kukuataye nyoka wa tshidika, nyoka wa kale: ke diabolu nansha Satane. Kumusuikaye bua bamulame mu lukanu bidimu tshinunu.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Didimanyisha 12:1

Tshintu tshinene kumueneka mu diulu: ke mukaji uvua muvuale diba bu tshilamba, ngondu kuinshi kua makasa ende, kabidi ne tshifulu tshia bukalenga ku mutu, tshileja mitotu dikumi ne ibidi.

Didimanyisha 16:13

Pashishe meme kumona mikishi mibi isatu, mifuanangane ne ndimba. Ivua ipatuka mukana mua nyoka wa tshidika, mua nyama, ne mua muambi wa dishima.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Didimanyisha 19:12

Mesu ende avua engelela bu kapia. Uvua muase bifulu bivule bia bukalenga pa mutu. Bavua bafunde pambidi pende dina didiye yeye nkayende mumanye.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Danyele 2:42

Kadi bu mutua minu ya makasa mikale ya tshiamu tshifiike tshisangisha ne buloba bosha, mmumue ne: bukalenga ebu nebuikale tshitupa tshikole, tshitupa tshitekete.

Didimanyisha 12:7

Pashishe mvita kujuka mu diulu. Mikayele ne batumibue bende kuluangana mvita ne nyoka wa tshidika. Nyoka pende uvua ubaluisha ne bende batumibue.

Didimanyisha 12:13

Nyoka wa tshidika ujingulula ne: mbangele pa buloba, kutuadijaye kulondakaja mukaji uvua mulele muana wa balume awu.

Didimanyisha 13:1

Pashishe meme kumona nyama upatuka mu mayi manene. Uvua ne nsengu dikumi ne mitu muanda mutekete. Ku lusengu luonsu kuvua tshifulu tshia bukalenga. Pa mitu yende bavua bafunde mena a kusendeka nawu Mvidi Mukulu.

Didimanyisha 13:2

Nyama umvua mumone uvua bu nkashama, mikolu yende bu ya nyama wa urse, ne mukana muende bu mua ntambue. Nyoka wa tshidika uvua mumupeshe bukole buende, nkuasa wende wa bukalenga, ne bumfumu buende bunene.

Didimanyisha 13:4

Bantu bonsu kutuadija kukukuila nyoka wa tshidika, bualu uvua mufile bumfumu buende kudi nyama. Bavua bakukuila kabidi nyama, bamba ne: “Udi mufuanangane ne nyama nnganyi? Udi mua kuluangana nende nnganyi?”

Didimanyisha 15:1

Pashishe meme kumona tshintu tshikuabu tshinene, kabidi tshia dikema mu diulu. Ke batumibue muanda mutekete bavua bafika ne bipupu muanda mutekete. Ke bipupu bia ndekelu, bualu nebitalaje tshiji tshia Mvidi Mukulu.

Danyele 2:41

Bu muuvua mumone makasa ne minu ya makasa bia lupingu bikale tshitupa tshia buloba bosha ne tshitupa tshikuabu tshia tshiamu tshifiike, bidi bileja ne: bukalenga abu nebuikale bukosoloke. Kadi munda mua bukalenga abu nemuikale tshintu tshikole bu tshiamu, bualu uvua mumone tshiamu tshifiike tshisangisha ne buloba bosha.