Didimanyisha 10:4 - MUKANDA WA MYIDI MUKULU

⁴ Nkavua musue kufunda diakamue bivua makubakuba amba. Kadi ke meme kumvua diyi difumina mu diulu, dingamba ne: — Kumanyishi muntu malu avua makubakuba muanda mutekete mambe. Kuafundi to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ne hakakula mikungulu muanda mutekete, nakadi ngamba kufunda, ne nakunvua dî difuma mu diulu diamba ne, Teka tshimanyishilu ku malu akamba mikungulu muanda mutekete, kuafundi nasha.

Didimanyisha 10:4 Referans Kwoze

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 8:26

Edi ke diumvuija dilelela dia tshiuvua mumone bua milambu ya kuosha dilolu ne dinda. Kadi ulame munda muebe bualu budi Mvidi Mukulu mukuleje ebu, bualu budi buleja malu a matuku atshidi kule.’

Danyele 12:9

Kungandamunaye ne: ‘Daniyele, kupampakanyi nansha. Ulame miaku eyi bimpe too ne diba dia nshikidilu.

Didimanyisha 22:10

Pashishe kungambaye ne: — Kusokoki miaku ya muambi idi mu mukanda ewu, bualu tshikondu tshidi bionsu ebi ne bua kuenzeka tshikadi pabuipi.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Yeshaya 29:11

Malu adi bambi banumanyisha aa, kaena umvuika to. Adi amu bu mukanda mufunda, mulamika ne budimbu bukole, bautua tshitampi. Badi baupa muntu kampanda, udi mumanye mua kubala, bamba ne: “Tubadileku mukanda ewu.” Kadi yeye kuandamuna ne: “Kamuena mushindu wa kubala, bualu mukanda mmulamika, kabidi mmutue tshitampi bikole.”

Yeshaya 8:16

Ndi nsokoka bivua Maweja-Nangila mungambile. Ndi ndama bimpe bionsu bindi ne bua kuamba. Ndi mbiambila amu balongi banyi.

Yeshaya 8:1

Bua kukumbaja diyi divua Maweja-Nangila mungambile, meme kuangata tshibasa tshinene tshia kufunda. Ke meme kufundapu ne maleta manene avua bantu bonsu mua kubala, miaku eyi ne: “Pawulayi lubilu, Ibayi lukasa.”

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 10:8

Pashishe diyi dimvua mumvue difumina mu diulu, kungamba kabidi ne: — Nda kuangata mukanda mukese udi mubulula, mu tshianza tshia mutumibue udi muimane kulu mu mayi manene ne pa buloba.