Dibadika 4:11 - MUKANDA WA MYIDI MUKULU

¹¹ Ku tshilambuilu tshia tshiamu tshia mpawungi, nebabuikileku tshilamba tshifikuluke. Nebateke tshiseba tshikole tshia nyama wa nkonga pa mutu pa bionsu. Pashishe nebabueje milonda ku tshilambuilu aku bua kutshiambuilaku.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nebateke tshilulu tshia bleu ha mutu ha tshioshelu tshia or, nebâteke ha mutu hatshi tshibuikidi tshia biseba bia nkonge, nebabueshemu mitshi ya tshioshelu

Dibadika 4:11 Referans Kwoze

Ekesode 40:5

Bateke tshilambuilu tshia tshiamu tshia mpawungi bua kuosha manananshi. Utshiteke kumpala kua mushete wa ndondu. Ulembeleje tshilamba mu mushiku wa mbelu wa nzubu wa tshijila.

Ekesode 39:38

— tshilambuilu tshia tshiamu tshia mpawungi, mafuta a kulaba nawu, manananshi a kuosha; — tshilamba tshia mu mushiku wa mbelu wa ntenta;

Didimanyisha 8:3

Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.

Dibadika 4:6

Nebabuikile kabidi mushete ne tshiseba tshia nyama wa nkonga. Nebateke kabidi pa mutu pa bionsu ebi tshilamba tshifikuluke tshienza ne miosa ya nyama. Pashishe nebabueje milonda ku mushete bua kuwambuilaku.

Dibadika 4:10

Pashishe nebabuikile tshiseba tshikole tshia nyama wa nkonga pa bintu bionsu ebi, babiteka pa mabaya a kubiambula nawu.

Dibadika 4:12

Nebabuikile tshilamba tshifikuluke pa bintu bionsu bidibu benza nabi mudimu muaba wa tshijila. Nebateke kabidi tshiseba tshikole tshia nyama wa nkonga pa mutu pa bionsu ebi. Nebateke bionsu pa mabaya a kubiambula nawu.