Dibadika 3:10 - MUKANDA WA MYIDI MUKULU

¹⁰ Neupeshe Arone ne bana bende nkayabu mudimu wa butuangaji. Muntu mukuabu muenze mudimu awu kayi mutuangaji, nebamushipe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Wewe neusungule Alona ne bana bandi balume, ne bobo nebashale ne mudimu wa buakuidi, bialua muenyi ha buihi nebamushihe.

Dibadika 3:10 Referans Kwoze

Dibadika 1:51

Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

Dibadika 3:38

Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Rome 12:7

Pikala mukuabu ne dipa dia kuambuluisha bantu, abambuluishe. Udi ne dipa dia kulongesha, udi ne bua kulongesha.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Ebrewu 8:4

Bu yeye mutshikale pa buloba, kavua mua kuikala nansha mutuangaji to. Bualu pa buloba batuangaji badi balambula milambu mudi mikenji ya bena Yuda yamba.

Efeze 2:19

Nanku nuenu bantu ba bisamba bikuabu, kanutshiena benyi, nansha bantu bafume kule. Nukadi bena tshisamba tshia Mvidi Mukulu, bamane kubuela mu diku diende.

Yezekiyele 44:8

Nuenu kanuena nungenzela nansha mudimu muaba wanyi wa tshijila to. Kadi nudi batume bantu benyi bua kuenzabu mudimu awu pa muaba wenu.

Dibadika 18:3

Bana benu bena Levi abu nebanuambuluishe bua midimu yonsu ya mu ntenta wa kusambakena. Kadi kabena mua kusemena pa buipi ne tshilambuilu, nansha ne muaba udi bintu bia tshijila to. Nanku nansha wewe ne ndelanganyi yebe, nansha bobu bena Levi, kanuakufua to.

Dibadika 16:35

Pashishe Maweja-Nangila kutuma kapia. Kubutulaku bantu bonsu nkama ibidi ne makumi atanu, batshikale ne muoyi. Ke bavua balambula musenga wa kamonya.

Ekesode 29:9

Ubasuike mikaba, ubase kabidi ne bifulu ku mutu. Ke muudi ne bua kubajiidila nanku, bua Arone ne ndelanganyi yende bashale batuangaji kashidi. “Bua Arone ne bana bende kutuadija mudimu wa butuangaji, wenze nenku:

1 Kulondolola 6:32

Mali, Mushi, Merari ne Levi.

2 Samuele 6:7

Nanku Maweja-Nangila kufikila Uza munda bikole. Kumushipaye, anu muaba awu, bua bualu buvuaye muenze, kayi muanji kuela meji. Uza kufuila muaba awu, pabuipi ne mushete wa tshijila.

1 Samuele 6:19

Kadi Maweja-Nangila kunyoka bena tshimenga tshia Bete-Shemeshe, bualu bavua batangila mushete wa tshijila. Kushipaye bantu balume makumi muanda mutekete munkatshi muabu. Nanku bantu bavua bashala, kuenzabu madilu, bualu Maweja-Nangila uvua mubanyoka bikole.

Lewitiki 22:10

“Muntu udi kayi mutuangaji, nansha yeye muena mudimu wa mutuangaji, nansha muenyi wende, kena mua kudia biakudia bia tshijila ebi to.

Dibadika 3:11

Maweja-Nangila kuambila Moshe ne:

Dibadika 16:10

Wewe Kora ne bana benu bena Levi, Maweja-Nangila mmunusungule bua nusemene pabuipi nende. Munudi nudilombela kabidi muanzu wa butuangaji mbishi?

Balombodi 17:5

Kadi muntu ewu Mika uvua ne muaba wa kutendelela ku nzubu kuende. Kuenzejaye lupingu lukuabu, kabidi ne bintu bia kubuka nabi. Pashishe kubanjijaye muanende mukuabu wa balume, bua amuenzele mudimu wa batuangaji.

Dielulula 18:5

Bualu Maweja-Nangila Mvidi Mukulu mmusungule bena Levi kashidi munkatshi mua bisamba bikuabu bionsu, bua bamuenzele mudimu wa butuangaji.

1 Bakalenga 12:31

Yerobowame kuibaka nzubu ya tshijila pabuipi ne miaba mitumbuke kuabu batendelela mvidie kale. Kusungulaye bantu ba munkatshi mua bena Izrayele, bua kuikalabu batuangaji. Bantu abu, kabavua ba mu tshisamba tshia bena Levi to.

Nehemya 6:11

Meme kuandamuna ne: — Meme tshiena mua kunyema to! Kabidi muntu bu mundi emu, ndi mua kubuela muaba wa tshijila kushala ne muoyi anyi? Nansha kakese. Tshiena mua kubuelamu to.