Dibadika 23:3 - MUKANDA WA MYIDI MUKULU

³ Balaame kuambila Balake ne: — Shala muimane pabuipi ne milambu yebe eyi. Meme ndi nya ku luseke. Misangu mikuabu Maweja-Nangila udi mua kummuenekela. Nenkuambile bionsu bikalaye mummanyishe. Balaame kuya muaba uvua kauyi bantu.

Mukanda wa Nzambi Dihungila Dikulukulu ne Dihungila Dihia-dihia 2003

³ Belâma wakambila Balaka ne, Wimane ha buihi ne mulambu webe wa kuosha ha kahia ne meme nengumuke, bumue Yehowa nealue kusangakena hanyi, nenkuambile malu onso adiye ungambila Yeye wakaya kulu ku muaba wakadi mutuhu.

Dibadika 23:3 Referans Kwoze

Dibadika 23:15

Balaame kuambila Balake ne: — Shala muimane ku milambu yebe eyi. Ndi nya ku luseke bua kuindila bidi Maweja-Nangila musue kungambila.

Dibadika 24:1

Balaame kujadika ne: Maweja-Nangila mmusue kuela bena Izrayele lupemba. Nanku kena muye kumukonka kabidi, bu muvuaye wenza kumpala to. Kutangilaye musangu umue mu tshipela.

Lewitiki 1:1

Pavua Maweja-Nangila mu ntenta wa kusambakena, kubikilaye Moshe, kumuambila bua

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Matayi 4:8

Diabolu kufikisha Yezu kabidi pa mukuna mule mutumbuke, kumuleja makalenga onsu a pa buloba ne buneme buawu,

Dibadika 23:2

Balake kuenza bionsu abi. Pashishe bonsu babidi kulambula Maweja-Nangila ngombe mulume umue, ne mukoku wa tshimpanga umue, pa tshilambuilu tshionsu.

Dibadika 23:4

Maweja-Nangila kumuenekela Balaame muaba awu. Awu kuambila Maweja-Nangila ne: — Ndi muenzeje bilambuilu muanda mutekete. Ngalambulu ngombe mulume umue, ne mukoku wa tshimpanga umue, pa tshilambuilu tshionsu.

Dibadika 23:12

Balaame kuandamuna ne: — Mudimu wanyi udi amu wa kuamba tshidi Maweja-Nangila ummanyisha. Ki mmomumue anyi?

Dibadika 23:26

Balaame kumuandamuna ne: — Kadi mvua mudianjile kukuambilane: mudimu wanyi udi amu wa kumanyisha bantu tshidi Maweja-Nangila ungambila!

Yoshua 24:10

Kadi meme kubenga kuteleja Balaame. Nanku Balaame kunuela lupemba. Ke meme kunusungidila mu bianza bia Balake.