Dibadika 23:1 - MUKANDA WA MYIDI MUKULU

¹ Balaame kuambila Balake ne: “Ungashile muaba ewu bilambuilu muanda mutekete, untuadile kabidi ngombe milume muanda mutekete, ne mikoku ya bimpanga muanda mutekete.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Belâma wakambila Balaka ne, Ungashile bioshelu muanda mutekete, undongoluele balume ba ngombe muanda mutekete ne bimpanga muanda mutekete.

Dibadika 23:1 Referans Kwoze

Dibadika 23:29

Balaame kuambila Balake ne: “Asa bilambuilu muanda mutekete muaba ewu, untuadile ngombe milume muanda mutekete, ne mikoku ya bimpanga muanda mutekete.”

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Yezekiyele 45:23

Kabidi, dituku dionsu dia mu matuku muanda mutekete a tshibilu, neandambule ngombe milume muanda mutekete, ne mikoku ya bimpanga muanda mutekete idi kayiyi ne bulema, bua mulambu wa kuosha. Dituku dionsu nealambule kabidi mbuji ya mpumbu bua kukobolola bena Izrayele.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Yobe 42:8

Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

2 Kulondolola 29:21

Kuangatabu ngombe milume muanda mutekete, mikoku ya bimpanga muanda mutekete, bana ba mikoku muanda mutekete, ne mbuji ya mpumbu muanda mutekete ya kulambula bu mulambu wa kukobolola nawu bantu. Milambu ayi bavua bayilambula: bua kulombela bena diku dia bukalenga ne bena Yuda bonsu luse, ne bua kujidila nzubu wa Mvidi Mukulu. Mukalenga Izkiya kuambila batuangaji ba ndelanganyi ya Arone, bua balambule milambu ayi pa tshilambuilu tshia Maweja-Nangila.

1 Kulondolola 15:26

Mvidi Mukulu uvua mulame bimpe bena Levi bavua bambula mushete. Nenku kulambulabu Mvidi Mukulu mulambu, wa ngombe milume muanda mutekete ne bimpanga muanda mutekete.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Dibadika 22:41

Butshia dinda, Balake kuya ne Balaame ku Bamote-Baale, bualu muaba awu uvua mua kudimuena tshitupa tshia bena Izrayele.

Dibadika 23:2

Balake kuenza bionsu abi. Pashishe bonsu babidi kulambula Maweja-Nangila ngombe mulume umue, ne mukoku wa tshimpanga umue, pa tshilambuilu tshionsu.

Dibadika 23:30

Balake kuenza bionsu abi. Pashishe kulambulaye ngombe mulume umue, ne mukoku wa tshimpanga umue pa tshilambuilu tshionsu.