Dibadika 22:9 - MUKANDA WA MYIDI MUKULU

⁹ Nanku Mvidi Mukulu kukonka Balaame ne: — Bantu baudi muladike kuebe mbanganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi wakamueneka kudi Belâma wakamuambila ne, Balume aba badi kuebe mbantu kai?

Dibadika 22:9 Referans Kwoze

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Dibadika 22:20

Butuku, Mvidi Mukulu kuambila Balaame ne: — Bu mudi bantu aba bakubikila, mbimpe uye nabu. Kadi wenze anu tshindi meme nkuambila.

Yowanane 11:51

(Kavua muambe nanku ku meji ende yeye nkayende. Kadi bu muvuaye mutuangaji munene tshidimu atshi, Mvidi Mukulu uvua mumuakuishe ne: Yezu uvua ne bua kutuila tshisamba tshia bena Yuda,

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Matayi 7:22

Pafika dituku dia tshilumbuluilu, ba bungi nebangambe ne: “Mfumu, Mfumu, tuvua bamanyishe bantu malu a Mvidi Mukulu mu dina diebe, tuvua bipate mikishi mibi mu dina diebe, kabidi tuvua benze bishima bia bungi mu dina diebe!”

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Ekesode 4:2

Maweja-Nangila kukonka Moshe ne: — Tshiudi natshi ku bianza atshi ntshinyi? Moshe kuandamuna ne: — Ndi ne dikombu.

Genese 41:25

Yozefe kuambila mukalenga ne: — Bilota biebe bibidi bidi bileja bualu bumue. Mvidi Mukulu udi ukumanyisha malu adiye musue kuenza.

Genese 31:24

Butuku abu Mvidi Mukulu kumuenekela Labane muena Arame mu tshilota, umukandika ne: — Udimuke, kukengeshi Yakobe ku bualu nansha bumue.

Genese 16:8

Awu kumukonka ne: — Agare, mupika wa Sarayi, udi ufuma penyi? Uyaya kuepi? Agare kuandamuna ne: — Ndi nnyema Sarayi, mfumuanyi wa mudimu.

Genese 4:9

Maweja-Nangila kukonka Kayine ne: — Muanenu Ebele udi penyi? Kayine kuandamuna ne: — Tshiena mumanye. Meme ndi mulami wa muanetu anyi?

Dibadika 22:8

Balaame kubambila ne: — Lalayi munemu. Patshiabu dinda, nennuandamune malu onsu adi Maweja-Nangila mummanyishe. Bakulu ba bena Mowabe abu kulala kua Balaame.

Dibadika 22:10

Balaame kuandamuna ne: — Bantu aba mbafume kudi Balake, muana wa Sipore, mukalenga wa bena Mowabe. Balake udi umbikila, ungambila ne: