Dibadika 18:1 - MUKANDA WA MYIDI MUKULU

¹ Ke Maweja-Nangila kuambila Arone ne: — Ntelejayi wewe, ndelanganyi yebe ne bana benu bena Levi: bilema bidi bantu benza muaba wa tshijila, nebinutangile nuenu bonsu biangatshile ku lelu. Kadi bilema binudi nuenza mu mudimu wenu wa butuangaji nebitangile anu wewe Arone ne ndelanganyi yebe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Alona ne, Wewe ne bana bebe balume ne ba mu nsubu wa ba tatuʼebe nenutuale mahambuka a ku buakane a bantu mu nsubu wa tshitendelelu, wewe ne bana bebe balume nenutuale mahambuka a mudimu wenu wa buakuidi.

Dibadika 18:1 Referans Kwoze

Ekesode 28:38

Padi Arone wasa tshifulu atshi, pandi ntshimona, nengikale mfuila bena Izrayele luse nansha bobu batupakana padibu bantuadila milambu.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Dibadika 17:13

Kuimanaye pankatshi pa bantu bavua bamane kufua, ne batshivua ne muoyi. Nanku muntu kena mufue kabidi to.

Dibadika 17:7

Bena Izrayele kudikunguja muaba uvua Moshe ne Arone. Kadi pavuabu batangile ku ntenta wa kusambakena, kumonabu muvua divuba dileja butumbi bua Maweja-Nangila dibuikila ntenta.

Dibadika 17:3

Mbabula ayi, ivua ya bena tshibawu bamane kufua bua buenzavi buabu. Nanku bu mudibu bamane kundambula meme Maweja-Nangila mbabula ayi, nuyifule nuenze nayi bitata bia kubuikila ku tshilambuilu. Bitata abi nebishale tshivulukilu kudi bena Izrayele.

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Lewitiki 22:9

“Batuangaji bakumbaje muabu muonsu bindi mubambile. Tshianana nebikale bena tshibawu, amu bua biakudia. Nebafue, bualu kabena balonda mikenji idi itangila bintu bia tshijila. Bualu meme ndi Maweja-Nangila, udi ujidila batuangaji bua bankuatshile mudimu.

Lewitiki 10:17

— Munyinyi ewu wa mulambu udi Maweja-Nangila munupe, kanuena baudile muaba kampande wa tshijila bua tshinyi? Kanuena bamanye ne: ngwa tshijila menemene anyi? Maweja-Nangila mmunupeshe nyama ewu bua nukobolole bena Izrayele ku malu mabi adibu benza.

Lewitiki 22:16

Padi batuangaji badia bintu bia tshijila bia milambu, kabayi babikumbanyine, badi badibueja mu tshibawu. Bualu meme ndi Maweja-Nangila udi ujidila milambu.”

Dibadika 3:6

— Bikila tshisamba tshia bena Levi. Ubateke ku bumfumu bua mutuangaji Arone, bamuambuluishe.

Dibadika 16:10

Wewe Kora ne bana benu bena Levi, Maweja-Nangila mmunusungule bua nusemene pabuipi nende. Munudi nudilombela kabidi muanzu wa butuangaji mbishi?

Dibadika 18:11

Pashishe nuangate kabidi tshitupa tshia bintu bidi bena Izrayele bela mulu bua kundambula. Bintu abi nebishale biebe ne bia ndelanganyi yebe kashidi. Nebabidie amu kudi bena diku diebe, balume ne bakaji, badi kabayi ne mikiya.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Balombodi 17:12

Mika kubanjija nsongalume awu, bua amuenzele mudimu wa butuangaji. Kumuladikaye ku nzubu kuende.

Yezekiyele 4:4

Diba adi, uladile ku lubadi lua dia bakaji. Paudi ulala nanku, neutuale bubi buonsu bua bena mu bukalenga bua Izrayele. Newambule bujitu ebu pambidi pebe.