Dibadika 15:4 - MUKANDA WA MYIDI MUKULU

⁴ Muntu yonsu udi undambula nyama, neasakidile kabidi ne mulambu wa bintu bia pa madimi: kilo isatu ya bukula, budibu basambakaje ne litre umue ne tshitupa wa mafuta.

Mukanda wa Nzambi Dihungila Dikulukulu ne Dihungila Dihia-dihia 2003

⁴ muntu udi ufila mulambu neafile mulambu wa bukula bubotesha bu tshintu tshia dikumi tshia tshihiminu tshimue, busangisha ne tshituha tshinai tshia dikoho dia manyi.

Dibadika 15:4 Referans Kwoze

Ekesode 29:40

Kadi, muana wa mukoku uudi udianjila kulambula dinda, ulambule pamue ne bintu ebi: kilo isatu ya bukula busambakaja ne litre umue ne tshitupa wa mafuta a olive, welemu kabidi maluvu a mvinyo litre umue ne tshitupa.

Lewitiki 23:13

Mulambu awu, nuulambule pamue ne mulambu wa kuosha wa bukula bua kilo isambombu, bunuvua basambakaje ne mafuta. Nenganyishe dipembu dia mupuya wa mulambu awu. Nundambule milambu ayi pamue ne litre wa maluvu umue ne tshitupa.

Lewitiki 6:14

Bukula abu, buikale busambakaja ne mafuta, bukanga pa dilata bua kuenza mukata. Pashishe bangabanga ne kulambula Maweja-Nangila mukata awu, wikale mukosolola bitupa, bualu mmulambu wa dipembu dimpe didi disankisha Maweja-Nangila.

Lewitiki 2:1

“Padi muena Izrayele ulambula Maweja-Nangila mulambu wa bintu bia mu madimi, angate bukula, elepu mafuta, atentekepu ne musenga wa kamonya.

Lewitiki 14:10

“Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Yezekiyele 46:14

Dinda dionsu, balambule kabidi Maweja-Nangila kilo itanu ya bukula misambakaja ne litre ibidi ya mafuta. Mikenji ya milambu ya ku dituku dionsu badi ne bua kuyikumbaja kashidi.

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Balombodi 9:9

Kadi mutshi wa olive kuandamuna ne: ‘Nudi nuela meji ne: ndi mua kulekela kupatula mafuta adibu banyisha kudi mvidie ne kudi bantu, bua meme kuikala nditemba, nnyungakana ku mutu kua mitshi mikuabu anyi?’

Lewitiki 2:15

Elemu mafuta, atekepu ne musenga wa kamonya, bualu mmulambu wa bintu bia mu madimi.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 3:7

Padiye ulambula mukoku, aye nawu muaba wa tshijila.

Dibadika 28:4

Nungoshile mukoku umue dinda, mukuabu dilolu.

Dibadika 28:12

Ku tshimuna tshionsu, nenusakidile mulambu wa bukula, busambakaja ne mafuta: ku ngombe yonsu, nenusakidile bukula kilo tshitema, ku mukoku wa tshimpanga, bukula kilo isambombu,

Ezela 7:17

Mu Yerushalayime, makuta audi upeta, usumbe nawu nyama ya ngombe milume, mbuji ya bimpanga, bana ba mikoku, ne bintu bionsu biudi ukengela bua kulambula milambu ya bintu bia mu madimi ne milambu ya maluvu a mvinyo. Bintu bionsu abi, ubilambuile pa tshilambuilu tshidi mu nzubu wa Mvidi Mukulu webe wa mu Yerushalayime.

Dibadika 29:6

Nuenu bamane kungoshila milambu ya dituku dionsu, ne ya dituku dia kumpala kua ngondu, pamue ne milambu ya tshibidilu ya bukula ne ya maluvu a mvinyo, nenundambule kabidi milambu yonsu eyi, bua dipembu dimpe dia milambu ya kuosha eyi dinsankishe.