Danyele 9:7 - MUKANDA WA MYIDI MUKULU

⁷ Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wetu, buakane budi kudi, kadi tuetu tudi ne bundu ku mesu, bu mudibu lelu eu, kudi bantu ba mu Yuda ne kudi badi bashikame mu Yelushalema, kudi Bena Isalele bonso, kudi badi ha buihi ne kudi badi kule, mu maloba onso awakubatuma, bualu bua kutomboka kuabo kuakukutombokelabo.

Danyele 9:7 Referans Kwoze

Danyele 9:14

Ke paudi mututumine amu makenga aa. Bualu wewe Maweja-Nangila, Mvidi Mukulu wetu, udi ne diyi dimue mu malu onsu audi wenza. Kadi tuetu katuvua batumikile meyi ebe!

Danyele 9:8

Eyo, Maweja-Nangila wetu, tuetu, bakalenga betu, bamfumu betu, ne batatuetu, tudi tufua bundu, bualu tuvua babenge diyi diebe!

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.

Misambu 44:15

Udi muanyishe bua bantu ba bisamba bikuabu, batutele mu nsumuinu, benda bakupa mitu, batuseka.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Amosa 9:9

Mpindiewu ndi ntuma diyi: batangalaje bena Izrayele munkatshi mua bisamba bikuabu, bua kubasenga, mudibu basenga ntete, nsoka yonsu mishale mu munyingu.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Misambu 119:137

Maweja-Nangila, udi muakane, mapangadika ebe adi makane.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 51:4

Ungumushe bubi buonsu, untokeshe ku tshilema tshianyi.

Nehemya 9:33

Mu malu onsu adi matukuate, wewe udi wenza amu biakane. Nansha tuetu bakubenge, wewe uvua anu utukeba, utunanga.

Ezela 9:13

Eyi! Mvidi Mukulu wetu, makenga onsu aa adi atukuata bua malu mabi etu, ne bua bilema bietu. Kadi kuena mutunyoke bilondeshile muvua bilema bietu. Uvua musue bua bikale ne muoyi. Ke patudi bafike munemu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Yirmeya 33:16

Nenku bukalenga bua Yuda kabuakuikala kabidi mu bianza bia baluishi babu nansha. Bena Yerushalayime nebasombe talalaa. Nanku, nebinyike Yerushalayime ne: “Maweja-Nangila ke udi utusungidila.”

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Yirmeya 4:17

Kuelabu tshimenga tshia Yerushalayime munkatshi anu bu mudi bansentedi balama budimi. Maweja-Nangila udi wamba ne: “Bionsu ebi bidi bienzeka bualu bavua bantombokele.”

Yirmeya 7:19

Ndi nkukonka ne: udibu bapenda mmeme anyi? Nansha kakese! Badi badipenda bobu, badifuisha ne bundu.

Yirmeya 32:32

Ndi musue kutshibutula bua malu mabi avua bena Izrayele ne bena Yuda benza, ne avuabu benza kabidi kudi bakalenga babu, kudi bamfumu babu, kudi batuangaji babu, kudi bambi babu, kudi bantu ba mu ditunga dia Yuda ne ba mu Yerushalayime.

Yezekiyele 5:10

Mu tshimenga, baledi nebadie bana babu, bana nebadie baledi babu. Nennunyoke. Badi bashale ne muoyi nembatangalaje bonsu ku nseke yonsu inayi.