Danyele 8:3 - MUKANDA WA MYIDI MUKULU

³ Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakabanduluka, nakatangila, ekumona, tshimpanga tshiakadi ne nsengu ibidi tshiakimana ku muelelu wa musulu. Nsengu ei yakadi mile, kadi lumue luakahita lukuabo bule, ne lusengu alu luhite bule luakamena ku nyima kua lukuabo.

Danyele 8:3 Referans Kwoze

Danyele 8:20

Uvua mumone tshimpanga tshia nsengu ibidi. Tshidi tshileja makalenga abidi: bua bena Madayi, ne bua bena Persa.

Danyele 10:5

Pamvua ntangila, meme kumona muntu muvuale bilamba bia ndanda, musuike mukaba wa tshiamu tshimpe tshia mpawungi mu tshimonu.

Zekâya 6:1

Maweja-Nangila kundeja kabidi bualu bukuabu. Meme kumona matempu a mvita anayi apatukila pankatshi pa mikuna ibidi ya tshiamu tshikunze.

Zekâya 5:9

Mbanduluka, meme kumona bakaji babidi babuka mulu, basakila kudi lupepele: bavua ne mapuapua bu a kasonganyunyi. Bobu kuangata tshibondu, kubuka natshi mulu.

Zekâya 5:5

Mutumibue wa Mvidi Mukulu uvua uyukila nanyi, kungambila ne: — Tangila! Tshiudi umona tshifumina kuaka ntshinyi?

Zekâya 5:1

Maweja-Nangila kundeja kabidi bualu bukuabu. Meme kumona muvungu wa mukanda, ubuka mulu.

Zekâya 2:1

Maweja-Nangila kundeja kabidi malu makuabu. Meme kumona nsengu inayi.

Danyele 7:5

Nyama muibidi uvua mufuanangane ne nyama wa urse, uvua mulale mu kaseka, musume mbadi isatu ku menu. Kumutuminabu diyi bua ajuke bimpe, adie munyinyi wa bungi.

Danyele 6:28

Udi upandisha, usungidila. Udi wenza bishima ne malu a kukema mu diulu ne pa buloba. Yeye ke uvua musungidile Daniyele, ku nzadi ya nyama ya ntambue.”

Danyele 2:39

Kunyima kua bukalenga buebe, nekupatuke bukalenga bukuabu bushadile ku buebe. Pashishe bukalenga buisatu, budibu baleja kudi tshiamu tshikunze, nebumueneke, butangalaka buloba bujima.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yeshaya 44:28

Ndi ngambila Koreshe ne: ‘Wewe ke mulami wa mikoku undi musungule. Wewe neukumbaje malu onsu, andi meme musue. Neutume diyi, bua bibakulule Yerushalayime, basulule nzubu wa Mvidi Mukulu.’ ”

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 13:17

Maweja-Nangila udi wamba ne: “Nensonsole bena lukuna babu, bena Madayi, bantu ba muoyi mupape, badibu kabayi mua kubuejila, badi kabayi bangata mabuejila, nansha a biamu bitoke bia mushinga mukole, nansha a mpawungi.

Ezela 4:5

Matuku onsu avua Koreshe, mukalenga munene wa bena Persa mu bukalenga, too ne matuku avua Daryaveshe mu bukalenga, bavua bapesha bafidi ba ngenyi ba mu lubanza lua mukalenga makuta, bua bafile ngenyi kudi mukalenga ya ne: bena Yuda kabatungunuki ne dibaka dia nzubu wa Mvidi Mukulu to.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Didimanyisha 5:6

Ke meme kumona Muana wa mukoku muimane munkatshi kumpala kua nkuasa wa butumbi, bamunyungulukila kudi Bia muoyi binayi ne kudi bakulu. Uvua mumueka bu mushipa. Uvua ne nsengu muanda mutekete, kabidi ne mesu muanda mutekete. Ke mieyelu muanda mutekete ya Mvidi Mukulu ivuabu batume pa buloba bujima.

Didimanyisha 13:11

Pashishe meme kumona nyama mukuabu upatuka mu buloba. Uvua ne nsengu ibidi bu ya mukoku, wakula bu nyoka wa tshidika.

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.