Danyele 4:19 - MUKANDA WA MYIDI MUKULU

¹⁹ Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Danyele 4:19 Referans Kwoze

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Danyele 4:24

Nanku, Mukalenga, anyisha mubelu undi nkupesha: lekela mibi yebe, ne bilema biebe. Wenze malu mimpe, ufuile bapele luse. Nanku misangu mikuabu nebalepeshe tshikondu tshia diakalenga diebe.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

1 Samuele 3:17

Eli kumukonka ne: — Maweja-Nangila wakuambidi tshinyi? Kunsokoki bualu nansha bumue to. Wewe munsokoke bualu nansha bumue budi Mvidi Mukulu mukuambile, nemmulombe bua akunyoke bikole bitambe.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Danyele 7:15

“Meme Daniyele, bowa kunkuata. Muoyi wanyi kulubakana munda, bualu malu avua Mvidi Mukulu undeja avua ankuatshisha bowa.

Danyele 5:12

Muntu awu udi ne lungenyi, ne meji a pa buawu a kujingulula nawu bilota, kujandula nshinga, ne kumvuija malu masokome. Babikile muntu awu. Ke Daniyele uvua mukalenga muinyike dina ne Beltashare. Yeye neajingulule mukalenga tshidibu bafunde etshi.

Danyele 2:26

Mukalenga kuebeja Daniyele, muabu binyika kabidi ne: Beltashare, ne: — Bulelela, wewe udi mua kungambila tshindi mulote, ne kutshinjinguluila kabidi anyi?

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Yirmeya 29:7

Nuambuluishe tshimenga tshindi munutume ku bupika, tshipete bubanji. Nutshilombele kundi. Bualu, tshiotshi tshikale ne diakalenga, nenuikale nadi ne nuenu kabidi.

1 Bakalenga 18:7

Obadya ufika mu njila, diakamue kusambakenaye ne muambi Eliya. Obadya kumanya muambi Eliya. Kuinyikaye mutu panshi bikole kumpala kua muambi Eliya, umukonka ne: — Ewu mmukalenga wanyi Eliya anyi?

1 Samuele 26:15

Davide kukonka Abnere ne: — Abnere, wewe kuena muntu mulume anyi? Mu ditunga dijima dia bena Izrayele, kamuena muena mvita mukuabu udi ne dikima mukupite wewe to! Kadi, kuena mulame mukalenga webe Shawule bimpe bua tshinyi? Muntu mukuabu uvua mufike bua kumushipa.

1 Samuele 24:8

Ke muvua Davide ubela bantu bende bua kabaluishi Shawule to. Shawule kupatuka mu lubuebue, kutungunuka ne luendu.

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

Ekesode 32:32

Ndi nkusengelela bua ubafuile luse, bua tshilema etshi. Kadi pawabenga, ukupule dina dianyi mu mukanda wa muoyi, uudi mufunde mena a bantu bebe.

Genese 32:18

Pashishe kuambilaye muena mudimu uvua ne tshisumbu tshia kumpala ne: — Wewe musambakene ne mukuluanyi Esawu, yeye mukuebeje ne: “Udi muena mudimu wa nganyi? Udi uya penyi? Bimuna bionsu ebi mbia nganyi?”

Genese 31:35

Rakele kuambila tatuende Labane ne: — Tatu, umfuile luse, tshiena ne mushindu wa kuimana kulu kumpala kuebe, bualu ndi ku tshijila tshia bakaji. Labane kukebulula mpingu bikole. Kadi kena muyipete to.

Genese 40:12

Yozefe kumuambila ne: — Dijingulula dia tshilota tshiebe didi nunku: matamba asatu adi aleja matuku asatu.

Danyele 2:37

Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:19

Bantu ba matunga onsu, ba bisamba bionsu, ne ba miakulu yonsu, bavua bazakala kumpala kuende, bamutshina bua bunene buvua Mvidi Mukulu mumupeshe. Uvua ushipa bavuaye musue kushipa. Uvua ushiya ne muoyi bavuaye musue kushiya nawu. Uvua ubandisha anyi ufuisha bundu, bavuaye musue kubandisha anyi kufuisha bundu.