Danyele 3:19 - MUKANDA WA MYIDI MUKULU

¹⁹ Mukalenga Nebukadnesare kumvua tshiji tshikole, kufikilaye Shadrake, Meshake ne Abede-Nego munda. Ke kutumaye diyi bua batemeshe kapia mu tshikutu kapite ka tshibidilu misangu muanda mutekete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ha diba edi Nebukadenesâ wakulangana tente ne tshiji, ne mpala wandi wakakudimukila Shadalaka, Meshaka ne Abedenego. Nunku wakela dî diandi ne, Bahishe tshikutu ne kahia kadi kahita ka matuku makuabo misangu muanda mutekete.

Danyele 3:19 Referans Kwoze

Danyele 3:13

Nebukadnesare kufika munda bikole, kutumaye diyi bua bafike ne Shadrake, Meshake ne Abede-Nego. Kufikabu nabu kudi mukalenga.

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Bienzedi 5:33

Tshiji tshikole kukuata bena Tshipangu, patuabu bumvue miaku ayi. Bavua bakeba kushipesha bapostolu.

Danyele 5:6

mpala wende kutokoloka, meji kulubakana, bowa kumukuata, luzakalu kumupangisha luendu.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Bienzedi 7:54

Bena Tshipangu bumvua miaku yonsu eyi, kufikabu munda bikole, kudia dinu, pavuabu batangile Stefane.

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Yeshaya 51:23

Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Nsumuinu 16:14

Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Estere 7:7

Mukalenga kufika munda bikole ne tshiji, kumuka ku mesa, kupatuka mu lupangu luende lua bukalenga. Amane umanya ne: mukalenga udi ujinga kunshipesha, kushalaye usengelela mukalenga mukaji Estere, bua amusungidile, kabamushipi.

Genese 31:2

Yakobe kumona kabidi mpala wa Labane mubinduluke, katshiyi bu mu wabu nende diambedi.

Danyele 2:12

Nanku mukalenga kufika munda bikole, kutuma diyi bua bashipe bena meji bonsu ba mu Babilone.

Danyele 3:20

Kutumaye diyi bua bamue bena bukitu ba mu bena mvita bende basuike Shadrake, Meshake ne Abede-Nego, bahele mu tshikutu atshi tshivua ne kapia kakole.

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.