Danyele 10:1 - MUKANDA WA MYIDI MUKULU

¹ Mu tshidimu tshisatu tshia bukalenga bua Koreshe, mukalenga wa bakalenga wa bena Persa, Mvidi Mukulu kumanyisha Daniyele, muabu binyika kabidi ne Beltashare, bualu. Bualu ebu buvuabu kabayi mua kuela mpata, buvua bumanyisha Daniyele makenga a bungi. Daniyele kuelangana meji bikole ku bualu ebu. Kujingululaye bualu buvua Mvidi Mukulu musue kumuleja.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshisatu tshia bukokeshi bua Kolesha, mukelenge wa Pelasa, bualu bukuabo buakabulula kudi Danyele, wakabikilabo ne Beleteshasâ. Bualu ebu buakadi bulelela, buakamulesha bua nvita minene. Yeye wakateleja matshu andi ku bualu ebu, wakajingalula tshikena kumona.

Danyele 10:1 Referans Kwoze

Danyele 8:26

Edi ke diumvuija dilelela dia tshiuvua mumone bua milambu ya kuosha dilolu ne dinda. Kadi ulame munda muebe bualu budi Mvidi Mukulu mukuleje ebu, bualu budi buleja malu a matuku atshidi kule.’

Danyele 6:28

Udi upandisha, usungidila. Udi wenza bishima ne malu a kukema mu diulu ne pa buloba. Yeye ke uvua musungidile Daniyele, ku nzadi ya nyama ya ntambue.”

Danyele 1:21

Daniyele kushala ku mudimu wa mukalenga too ne ku tshikondu tshiwa Koreshe mushale mukalenga wa bakalenga.

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Danyele 1:17

Mvidi Mukulu kupesha bansongalume banayi aba disunguluja dia malu ne dimanya diwle mu miakulu ne mu meji a bantu. Daniyele uvua ne lungenyi lua kujingulula malu adi Mvidi Mukulu uleja, kabidi ne bilota.

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.

Danyele 12:9

Kungandamunaye ne: ‘Daniyele, kupampakanyi nansha. Ulame miaku eyi bimpe too ne diba dia nshikidilu.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 10:14

Mpindiewu ndi mufike bua kukujinguluila malu adi ne bua kukuata bena tshisamba tshiebe mu matuku adi kumpala. Ke bualu bukuabu butshidi Mvidi Mukulu ukuleja bua matuku adi kumpala.’

Danyele 5:17

Daniyele kuandamuna mukalenga ne: — Mukalenga, lama bintu biebe bia masanka, ne bia kalumbandi, nansha ubipeshe bantu bakuabu. Kadi nenkubadile bualu budibu bafunde, kabidi nenkumvuijebu.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Yeshaya 44:28

Ndi ngambila Koreshe ne: ‘Wewe ke mulami wa mikoku undi musungule. Wewe neukumbaje malu onsu, andi meme musue. Neutume diyi, bua bibakulule Yerushalayime, basulule nzubu wa Mvidi Mukulu.’ ”

Ezela 6:14

Malu avua muambi Agayi ne muambi Zekarya, muana wa Ido, bambe, kukolesha balombodi ba bena Yuda ku muoyi. Nanku, kutungunukabu amu bimpe ne mudimu wabu wa kuenzulula nzubu wa Mvidi Mukulu. Kujikijabu kuibakulula nzubu awu, bilondeshile muvua Mvidi Mukulu wa Izrayele muambe, ne muvuabu bafunde kudi bakalenga banene ba bena Persa, Koreshe, Daryaveshe ne Artashasta.

Ezela 6:3

“Koreshe, mukalenga munene, mumane kushala mu bukalenga tshidimu tshijima, uvua muele diyi ne: Nzubu wa Mvidi Mukulu wa mu Yerushalayime badi ne bua kumuasulula, bua ikale muaba udibu balambula milambu. Nebamuase pa bitaku bia nzubu wa Mvidi Mukulu wa kale. Nzubu awu neikale metre makumi asatu mu butumbuke, ne metre makumi asatu mu butshiama.

Ezela 4:5

Matuku onsu avua Koreshe, mukalenga munene wa bena Persa mu bukalenga, too ne matuku avua Daryaveshe mu bukalenga, bavua bapesha bafidi ba ngenyi ba mu lubanza lua mukalenga makuta, bua bafile ngenyi kudi mukalenga ya ne: bena Yuda kabatungunuki ne dibaka dia nzubu wa Mvidi Mukulu to.

Ezela 4:3

Kadi, Zerubabele, Yeshuwa, ne bamfumu bakuabu ba meku a bena Izrayele, kuandamuna ne: — Ki mbimpe bua nutuambuluishe bua kuibaka nzubu wa Mvidi Mukulu wetu to. Tuetu nkayetu tudi mua kumuibaka, bualu nzubu ewu neikale wa Maweja-Nangila Mvidi Mukulu wa bena Izrayele. Ke mudibu bambe kudi mukalenga Koreshe, mukalenga munene wa bena Persa.

2 Kulondolola 36:22

Mu tshidimu tshia kumpala tshia bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuela diyi mu bukalenga buende buonsu, kabidi a kufundisha miaku eyi ne:

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

Luke 1:20

Nanku neushale kamama, kuyi wakula, too ne pakumbana malu aa. Bualu kuena muitabe bimvua mukuambile. Kadi miaku yanyi eyi neikumbane pa tshikondu tshiayi.

Danyele 11:2

Mpindiewu ndi nkumanyisha mukenji wa bushiwa. “Bakalenga banene basatu nebalondangane mu bukalenga bua bena Persa. Pashishe mukalenga muinayi neakungije bubanji bupite bua bantu basatu ba kumpala. Nenku bubanji buende nebumupeteshe bukole bua bungi. Diba adi, nealuishe bukalenga bua bena Ngreke.

Danyele 8:16

Meme kumvua diyi dia muntu difumina ku mukidi wa Ulayi, dimuambila ne: ‘Ngabriyele, umvuija muntu ewu bualu buvua Mvidi Mukulu mumuleje.’

Danyele 5:12

Muntu awu udi ne lungenyi, ne meji a pa buawu a kujingulula nawu bilota, kujandula nshinga, ne kumvuija malu masokome. Babikile muntu awu. Ke Daniyele uvua mukalenga muinyike dina ne Beltashare. Yeye neajingulule mukalenga tshidibu bafunde etshi.

Danyele 4:8

Mutshi awu kuenza munene mupite, wa bukole kabidi. Matamba awu male avua mafike ne mu diulu. Bavua baumone pa buloba bujima.

Ezela 3:7

Pashishe, kufutabu bena midimu bua kusonga mabue ne kupanda mabaya. Kupeshabu kabidi bena Sidone ne bena Tire biakudia, biakunua ne mafuta bua babasabuile mitshi ya sedre ya mu Lebanone pa mayi manene, bua kuyifikisha pa tshisabu tshia Yafa Koreshe, mukalenga munene wa bena Persa, ke uvua muanyishe bua benze bionsu ebi.