Bienzedi 9:11 - MUKANDA WA MYIDI MUKULU

¹¹ Mfumu kumuambila ne: — Juka, uye lukasa mu musesu Mululame. Ukonke ku nzubu kua Yudase. Kudi muntu wa mu Tarse, dina diende Shawule. Udi utendelela mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukelenge wakamuambila ne, Bika biebe, uye ku nshila wa musoko udibo babikila ne, Mululame, ku nsubu wa Yuda, ukonkeku muntu, dina diandi Shaula, udi biandi Muena Tâso, bua tangila, yeye udi utendelela Nzambi;

Bienzedi 9:11 Referans Kwoze

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Bienzedi 21:39

Polu kuandamuna ne: — Meme ndi muena Yuda. mBandele mu Tarse, tshimenga tshia lumu tshia mu Silisiya. Ndi nkulomba dianyisha, bua ngambile bantu bualu.

Bienzedi 9:30

Balongi bamanya bualu abu, kufilabu Shawule mu Kezareya, bua afike mu Tarse.

Bienzedi 11:25

Ke Barnabase kuya kukeba Shawule ku Tarse.

Bienzedi 11:13

Yeye kutulondela muvaye mumone mutumibue wa Mvidi Mukulu mu nzubu muende, muimane kumpala kuende, umuamba ne: “Tuma bantu mu Yope, babikile Simone, udi dina dikuabu ne Petro.

Bienzedi 8:26

Mutumibue wa Mvidi Mukulu kuambila Filipe ne: — Pueka kuinshi mu ditunga, ulonde njila wa kale wa mu tshipela, wa kumuka ku Yerushalayime, kufika ne ku Ngaza.

Bienzedi 2:21

Kadi muntu yonsu wabila Maweja-Nangila, neapande.”

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Misambu 50:15

Pakukuata dikenga, umbikile nenkusungidile. Nenku neuntumbishe!

Dielulula 4:29

Diba adi, mu matunga aa, nenukebe Maweja-Nangila Mvidi Mukulu wenu. Kadi bua nuenu kumupeta, anu nuenu bamukebe ne muoyi mujima ne bukole buenu buonsu.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Bienzedi 8:22

Lekela meji mabi auvua nawu. Utendelele Mfumu, bua, bu biobi mua kuenzeka, akufuile luse, bua meji mabi auvua muele.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.