Bienzedi 3:10 - MUKANDA WA MYIDI MUKULU

¹⁰ Bakuabu kumumanyabu ne: nyeye uvua musombe ku Tshiibi Tshilengele tshia nzubu wa Mvidi Mukulu, ulomba tshia pa luse. Nanku bavua ne bowa, bakatshila bivua bimuenzekela ebi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bakamumanya ne, Nyeye wakadi ushikama ku Tshibi Tshimpe tshia ntempelo ulomba bintu; bakatamba kukema bua bualu buakalua kudiye.

Bienzedi 3:10 Referans Kwoze

Bienzedi 3:2

Ku tshiibi tshia nzubu tshivuabu binyika ne: “Tshilengele,” kuvua muntu mulela tshibombu. Dituku dionsu bavua baya kumuteka muaba awu, bua amone mua kulomba tshia pa luse kudi bantu bavua babuela mu nzubu.

Yowanane 9:3

Yezu kubandamuna ne: — Bufofu ebu ki mbufumine ku bubi buende nansha ku bubi bua baledi bende to. Kadi udi mpofu bua midimu ya Mvidi Mukulu imuenekele kudiye.

Yowanane 5:20

Bualu Tatu udi munange Muana, unuleja bionsu bidiye wenza. Neamuleje malu a kuenza mapite aa bunene. Malu awu neanukemeshe.

Luke 9:43

Bantu bonsu bavua bakema bukole budi Mvidi Mukulu nabu. Patshivua bantu bonsu bakema bionsu bivua Yezu muenze, kuambilaye balongi bende ne:

Bienzedi 2:12

Bantu bonsu aba bavua bakema, balubakana, bakonkangana ne: — Bionsu bidi bienzeka ebi bidi bileja tshinyi?

Bienzedi 2:7

Bavua bakatshila bikole, bamba ne: — Badi bakula bonsu aba ki mbena Ngalileya anyi?

Luke 4:36

Bantu bonsu bavua bakema, bakonkangana ne: — Edi ndiyi dia mushindu kaayi? Muntu ewu udi utumina mikishi mibi diyi dia bumfumu ne dia bukole, yoyi payi ipatuka!

Matayi 14:35

Bena muaba awu kumanya ne: Yezu. Nanku kumanyishabu mu buloba bujima abu ne: wafiki! Ke bantu kufika ne babeedi bonsu kudiye.

Yowanane 9:8

Bena mutumba nende ne bantu bonsu bavua bamumonamona kale ulombangana bintu bavua bebejangana ne: — Ki mmuntu uvua musombe ulombangana bintu anyi?