Bienzedi 26:8 - MUKANDA WA MYIDI MUKULU

⁸ Munyi munudi nuenu bena Yuda kanuyi mua kuitaba ne: Mvidi Mukulu udi mua kubisha bafue!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bimbisha Nzambi bafue, nudi numona bualu ebu bu bualu budi kabui bua kuitabushibua munyi?

Bienzedi 26:8 Referans Kwoze

Bienzedi 4:2

Bavua bafike munda bikole, bualu bapostolu babidi aba bavua balongesha bantu, babamanyisha ne: bantu badi mua kubiika ku lufu, bualu bavua babajadikile ne: Yezu mmubiike ku bafue.

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Luke 18:27

Yezu kuandamuna ne: — Bidi bantu kabayi mua kuenza, Mvidi Mukulu udi ubikumbaja.

Bienzedi 25:19

Bavua belangana nende mpata, amu pa malu abu a kutendelela Mvidi Mukulu, ne pa tshilumbu tshia muntu kampanda, mumane kufua, diende Yezu. Bualu Polu udi ujadika ne: udi ne muoyi.

Bienzedi 23:6

Bu muvua Polu mumanye ne: mu Tshipangu mudi Basaduke ne Baparushe, ke kuelaye diyi dikole, wamba ne: — Bana betu, meme ndi Muparushe, muana wa Baparushe. mBamfunde ku tshilumbu, bualu ndi ngitaba, ntekemena ne: bafue nebabike!

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Luke 1:37

Bualu kakuena tshidi mua kukolela Mvidi Mukulu.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!