Bienzedi 26:22 - MUKANDA WA MYIDI MUKULU

²² Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:

Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua nakaheta dikuatshisha dia kudi Nzambi, ndi muimane tô ne lelu eu, nmanyisha bakese ne banene, tshi ngamba manga malu, anu akambabo kudi baprofete ne kudi Mose ne, Alualua.

Bienzedi 26:22 Referans Kwoze

Bienzedi 24:14

Kadi tshindi nkujadikila tshidi nunku: ndi ngenzela Mvidi Mukulu wa bankambua betu mudimu, ndonda njila mupiamupia, udibu bamba ne: mmubi. Kadi ndi ngitaba bionsu bidibu bafunde mu mikanda ya mikenji, ne ya bambi.

Yowanane 5:46

Bu nuenu bitabe Moshe menemene, nuvua mua kungitaba ne meme kabidi. Bualu Moshe uvua mufunde malu aa bualu buanyi.

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Rome 3:21

Kadi lelu, Mvidi Mukulu mmutuleje mudiye utubingisha kumpala kuende, kabiyi bua dikumbaja dia mikenji. Mikenji ne bambi bivua bimane kujadika ne:

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Bienzedi 26:17

Nenkulame, bua bena Yuda ne bantu ba bisamba bikuabu kabakuenzedi bibi. Ndi nkutuma kudibu,

Bienzedi 26:6

Mpindiewu mbangase tshilumbu, bualu ndi ntekemena ne: Mvidi Mukulu neakumbaje bivuaye mulaye bankambua betu.

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Misambu 124:8

Maweja-Nangila udi mufuke diulu ne buloba, yeye nkayende ke udi utuambuluisha.

Misambu 66:12

Uvua muanyishe bua baluishi betu batudiate mu mutu ne nyama ya tubalu. Tuvua ne bua kupitshila mu kapia ne mu mayi. Kadi wewe kutupatulamu bua tuikishe.

Misambu 18:47

Maweja-Nangila atumbe! Tuasakidila lubuebue luanyi! Tumbishayi Mvidi Mukulu, uvua mumpandishe.

Ezela 8:31

Mu matuku dikumi ne abidi a ngondu wa kumpala, tuetu kumuka ku mukidi wa Akava, bua kuya mu Yerushalayime. Mu luendu alu, Mvidi Mukulu wetu uvua molole tshianza tshiende, bua kutulama ku baluishi ne bena buivi, bua kabatutatshishi.

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.

Didimanyisha 11:18

Bantu ba bisamba bikuabu bavua bakutombokele ne tshiji. Kadi diba dikadi dimane kukumbana dia Wewe kuleja tshiji tshiebe, dia Wewe kulumbuluisha bafue bonsu. Diba ndimane kufika dia kusankisha bambi bebe bavua bakukuatshila mudimu, ne bantu bebe bonsu badi bakunemeka, baneme ne bashadile. Diba ndimane kufika dia kubutula badi babutula buloba!”

2 Timote 3:11

Tuvua nebe diba dimvua nsama, diba divuabu bankengesha. Udi mumanye bionsu bivua bingenzekele mu Antiyokiya, mu Ikoniyume, ne mu Listra. Bavua bankengeshe bikole, kadi Mfumu uvua munsungidile ku bionsu.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

Luke 16:28

mudi bana betu ba balume batanu. Aye kubadimuja bua kabafiki pabu muaba wa makenga ewu.”

Bienzedi 13:29

Bobu bamane kukumbaja bionsu bivua Mikanda ya tshijila midianjila kuamba bualu buende, kumutululabu ku mutshi mutshiamakane, kumuteka mu lukita.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.

1 Korente 15:4

Mbamujike. Kadi mmubike ku lufu dituku disatu, muvua Mikanda ya tshijila mimane kuamba.