Bienzedi 26:15 - MUKANDA WA MYIDI MUKULU

¹⁵ Ke meme kuebeja ne: “Kadi, mukalenga, wewe udi nganyi?” Kungandamunaye ne: “Ndi Yezu, uudi ukengesha!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nakamukonka ne, Mukelenge, wewe udi nganyi? Mukelenge wakankudimuna ne, Ndi bianyi Yesu ûdi ukengesha;

Bienzedi 26:15 Referans Kwoze

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Bienzedi 26:14

Tuetu bonsu kudishinda panshi. Meme kumvua diyi dingamba mu buena ebrewu ne: “Shawule, Shawule, udi unkengesha bua tshinyi? Bu mudi nyama kayi mua kukandamana padibu bamutuuta, bamuludika kudi mfumu wende ne dikombu, ke muudi kuyi mua kuntuila nkanana.”

Bienzedi 26:16

Kadi juka, imana kulu. Ndi mukumuenekele, bualu ndi mukusungule bua wikale muena mudimu wanyi. Neujadikile bantu bakuabu muudi mummone lelu. Neubamanyishe kabidi bimbakuleja pashishe.