Bienzedi 26:11 - MUKANDA WA MYIDI MUKULU

¹¹ Misangu mivule mu nzubu ya kutendelela, mvua mbakumisha, mbakolela bua bayile ditaba diabu. Bu mumvua ne lonji lupite, meme kuya too ne ku bimenga bia mu matunga makuabu bua kubakengesha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Misangu ya bungi nakadi mbakengesha mu nsunagoga yonso, nakakeba bua kubahendesha Nzambi; bualu bua nakadi nʼabo lukuna lutambe, nakabakengesha tô ne ku misoko ya bisamba bikuabo.

Bienzedi 26:11 Referans Kwoze

Bienzedi 22:19

Ke meme kuandamuna ne: “Mfumu, kadi badi amu bamanye mumvua mbuela kale mu nzubu ya kutendelela, mbelesha mu nkanu, nkumisha bantu bavua bakuitaba.

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Matayi 10:17

Nudimuke, bualu bantu nebanufile ku bilumbuluilu binene, kabidi nebanukumishe mikaba mu nzubu yabu ya kutendelela.

Bienzedi 22:5

Mutuangaji munene, ne bena tshipangu tshia bakulu bonsu badi apa, badi mua kujadika bindi ngamba ebi. Bavua bampeshe mikanda, mifundila bana betu bena Yuda ba mu Damase. Ke mumvua mufike muine amu, bua kukuata bavua bitaba Yezu, kupingana nabu mu Yerushalayime, bua babanyoke.

Bienzedi 9:1

Kadi Shawule utshivua amu ukanyina balongi ba Mfumu, ukeba kubashipa. Ke kuyaye kudi mutuangaji munene,

2 Petro 2:16

Kadi kumutandishabu bua matshi ende makole. Bualu nyama wa mpunde mukaji, utu kayi wakula, kubanga kuakula ne diyi dia buntu, kukandika malu a bupote, avua muambi awu musue kuenza.

Yakobe 2:7

Bobu ke badi bapenda dina dimpe didi Mvidi Mukulu munupe.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Luke 21:12

Kadi bionsu ebi kabiyi bianji kuenzeka, bantu nebanukuate, banukengesha. Nebanufile mu tshilumbuluilu mu nzubu ya ditendelela. Nebanuele mu nzubu wa lukanu. Nebaye nenu kumpala kua bakalenga ne kua balombodi ba ditunga, bualu nudi bangitaba.

Luke 15:17

Kutuadijaye kuela meji, kudiambila ne: “Bena mudimu ba tatuanyi badi ne biakudia bipite bungi, kabayi mua kubidia, kubijikija. Meme apa nkadi mfua ne nzala!

Luke 6:11

Kadi baluishi ba Yezu bavua bafika munda bikole, bebejangana tshiyuabu mua kuenzela Yezu.

Marke 13:9

“Kadi nuenu, dimukayi. Bualu bantu nebanufikishe ku tubadi. Bantu nebanututshishile mitshi mu nzubu ya kutendelela ya bena Yuda. Nenuimane kumpala kua balombodi ba buloba ne kua bakalenga, bua kubajadikila bimvua muambe.

Marke 3:28

“Ndi nnujadikila ne: nebajimijile bantu mibi yabu yonsu ne bionsu bidibu bapendangana.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Misambu 102:8

Ndi ndala tshitabela, ndi bu nyunyi wa tshiende nkaya pa musonga wa nzubu.