Bienzedi 24:10 - MUKANDA WA MYIDI MUKULU

¹⁰ Ke mulombodi wa ditunga kuanyisha Polu, bua alonde pende bualu. Ke Polu kuamba ne: — Bushuwa, ndi mumanye ne: udi ndumbulula munene mu ditunga edi, kukadi bidimu bivule. Ke pandi ndilumbuluila, ntekemena kuudi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakamana ngovena kumushukuila mutu bua kuakuleye, Paulo wakandamuna ne, Bualu bua ndi mumanye ne, Wewe wakamana kuikala mulumbuludi wa tshisamba etshi bidimu bia bungi, ndi ndividila ne mutshima musanke;

Bienzedi 24:10 Referans Kwoze

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.

Bienzedi 26:1

Agripa kuambila Polu ne: — Ndi nganyisha bua udilumbuluile. Ke Polu kuolola tshianza, wamba ne:

Bienzedi 23:24

Nuangate kabidi ne tubalu, bua nuambule Polu, nufike nende bimpe kudi Felikse, mulombodi wa ditunga.

Bienzedi 21:40

Mulombodi wa basolayi kuanyisha. Ke Polu kuimana pa bibandilu, kupuwisha bantu ne tshianza. Bantu bamane kupuwa, Polu kubambila mu buena ebrewu ne:

Bienzedi 19:33

Ke bena Yuda kumvuija Aleksandre bualu, kumupatula munkatshi mua bantu, kumuimanyika kumpala kuabu, bua abakuile. Aleksandre kupuwisha bantu bonsu ne tshianza, ukeba kuakuila bena Yuda.

Bienzedi 18:15

Kadi bu munudi amu nuelangana mpata bua miaku, bua mena, ne bua mikenji yenu, abi bidi binutangila amu nuenu nkayenu. Tshiena musue kukosa bilumbu bia nenku to!

Bienzedi 13:16

Polu kujuka, kupuwisha bantu ne tshianza, wamba ne: — Nuenu bena Izrayele, nuenu kabidi bena bisamba bikuabu badi batendelela Mvidi Mukulu, ntelejayi:

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Luke 18:2

— Mu tshimenga kampanda muvua mukoshi wa nsambu. Kavua utshina Mvidi Mukulu, kavua unemeka muntu nansha umue.

Luke 12:14

Ke Yezu kumuandamuna ne: — Muntu, udi munteke munukosedi wa nsambu, ne muabanyinyi wa biuma bienu nnganyi?

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

Luke 12:11

“Panufilabu mu nzubu ya ditendelela ya bena Yuda, nansha kumpala kua balombodi ne bamfumu, bua banulumbuluishe, kanupampakanyi bua mushindu unudi mua kudilumbuluila, nansha bua binudi ne bua kuamba.