Bienzedi 23:9 - MUKANDA WA MYIDI MUKULU

⁹ Ke bantu kuela mbila mikole. Bamue balongeshi ba mikenji ba luseke lua Baparushe kujuka, babenga tshilumbu, bamba ne: — Katuena bamona ne: muntu ewu mmupile to! Misangu mikuabu mutumibue wa Mvidi Mukulu, nansha mukishi, mmumuambile malu!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Diyoyo dia bungi diakajuka; bafundi bakuabo ba ku luseke lua Bafalese bakadi batayika bikole ne, Katuena bamone muntu eu ne bualu, ne nyuma wakumuambila dî, anyi ne muanjelo?

Bienzedi 23:9 Referans Kwoze

Bienzedi 22:7

Meme kudishinda panshi, kumvua diyi ne: “Shawule, Shawule, udi unkengesha bua tshinyi?”

Yowanane 12:29

Bantu bavule bavua muaba awu bumvua diyi adi, kuambabu ne: — Ndikubakuba dia mvula! Bakuabu bavua bamba ne: — Mutumibue wa Mvidi Mukulu uvua uyukila nende!

Bienzedi 26:31

Kumukabu, bambilangana ne: — Muntu ewu ki mmuenze bualu bubi bua mua kumushipesha, nansha kumuelesha mu lukanu.

Bienzedi 25:25

Kadi meme tshiena musangane bualu bubi nansha bumue budiye mua kutuila. Bu mutataye ulomba bua tutume tshilumbu tshiende kua Kezare, ndi musue kumutuma ku Rome.

Bienzedi 23:29

Meme kujadika ne: kavua muenze bualu bubi budi mua kumuelesha mu lukanu, nansha kumushipesha. Muvua amu mpata ya pa mikenji yabu.

Marke 2:16

Balongeshi ba mikenji bavua batua ku tshia Baparushe, kumona muvua Yezu udia pamue ne bantu bonsu abu. Kukonkabu balongi bende ne: — Bua tshinyi udi udia pamue ne balambuishi ba bitadi ne benji ba malu mabi?

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Bienzedi 23:8

(Bualu Basaduke kabena bitaba ne: bafue nebabiike; nansha ne: batumibue ba Mvidi Mukulu ne mikishi bidiku. Kadi Baparushe badi bitaba bionsu abi).

Bienzedi 11:17

Mvidi Mukulu kubapa dipa dia momumue, divuaye mutupe, pamvua bitabe Mfumu Yezu Kristu. Nanku mumvua meme mua kujikila Mvidi Mukulu njila mbishi?

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Bienzedi 5:39

Kadi pikalabi bifuma bulelela kudi Mvidi Mukulu, kanuakubibutula nansha. Dimukayi: pamue apa nudi nuluisha Mvidi Mukulu! Bena Tshipangu bonsu kuanyisha lungenyi lua Ngamaliyele alu.

Luke 23:22

Pilate kubakonka kabidi musangu muisatu ne: — Kadi bualu kaayi bubi budiye muenze? Tshiena mumusangane ne tshilema nansha tshimue tshidiye mua kutuila. Nanku ndi musue anu kumukumisha mikaba. Pashishe nemmulekele.

Luke 23:4

Ke Pilate kuambila bamfumu ba batuangaji, ne bantu bakuabu, ne: — Tshiena musangane bualu nansha bumue, bundi mua kunyokela muntu ewu.

Luke 5:30

Baparushe ne balongeshi ba mikenji ba mu tshisumbu tshiabu kubinduluka, bakonka balongi ba Yezu ne: — Nuenu nudi nudia, nunua ne balambuishi, kabidi ne bantu bakuabu ba lumu lubi, bua tshinyi?

1 Samuele 24:17

Davide ujikija kuakula, Shawule kumukonka ne: — Mulunda wanyi Davide, udi wakula nanku ngwewe menemene anyi? Shawule kudila muadi bikole.

1 Samuele 12:5

Samuwele kuamba ne: — Nanku Maweja-Nangila ne mukalenga Shawule bajadike bualu ebu lelu. Nuenu bena Izrayele kanuena batela bualu bubi nansha bumue bundi meme Samuwele munuenzela. Bena Izrayele kuandamuna ne: — Muwambi amu, mmomu.

Yirmeya 26:16

Nanku balombodi ba mu bukalenga ne bantu bonsu kuambila batuangaji ne bambi ne: — Kabashipi muntu ewu nansha! Bualu mmutuambile menemene malu mu dina dia Maweja-Nangila Mvidi Mukulu wetu.

Bienzedi 22:6

— Mvua nya mu njila. Nkavua pa kubuela mu Damase. Bu mpindiewu, diba munda munya, butoke bunene bufuma mu diulu kumbuikila ne nkenke yabu.