Bienzedi 23:12 - MUKANDA WA MYIDI MUKULU

¹² Butshia dinda, bamue bena Yuda kuya kuela tshitungu, baditshipa, bamba ne: “Katuena tudia, katuena tunua, amu tuetu bashipe Polu!”

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakatshiabu, Bena Yuda bakasangisha dî diabo, bakadiela mulau ne, Katuena tudia, katuena tunua, tô ne hatuashiha Paulo.

Bienzedi 23:12 Referans Kwoze

Bienzedi 23:30

Pashishe pavuabu bammanyisha ne: bena Yuda mbamuelele tshitungu, ke pandi mupangadike diakamue bua kukutuminaye. Ndi mulombe kabidi badi bamufunde, bua bafike ne tshilumbu tshiende kuudi.”

Bienzedi 23:21

Kadi kubitabi to! Bualu bantu bapite pa makumi anayi bayaya kuadila Polu mu njila bua kumukuata. mBaditshipe ne: katuena tudia, katuena tunua, amu tuetu bamushipe. Mpindiewu mbamane kudilongolola, bindile amu bua umutume mu Tshipangu.

Bienzedi 23:14

Kuyabu kumonangana ne bamfumu ba batuangaji, kabidi ne bakulu, babamanyisha ne: — Tudi baditshipe ne: katuena tudia, amu tuetu bashipe Polu.

Misambu 31:13

Bakadi bampue muoyi bu mufue, nkadi bu tshibambalu.

Bienzedi 25:3

“Anyisha, utupingajile Polu mu Yerushalayime.” Bualu bakavua bamuelele tshitungu, bua kumushipela mu njila.

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Matayi 26:4

Kupungabu diyi bua kukuatshisha Yezu mu budimu, kumushipesha.

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

1 Samuele 14:24

Dituku adi, bena Izrayele kukenga bikole bua mutshipu uvua Shawule mubatshipishe ne: “Pikala muntu mudie biakudia, katuyi banji kufika ku dilolu, tshiyi muanji kusombuela baluishi banyi, muntu awu mmuena tshibawu.” Nanku, muntu nansha umue kavua mudie tshintu to.

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

Matayi 26:74

Ke Petro kuamba ne: — Bu meme nshima, Mvidi Mukulu annyoke! Ndi nditshipa ne: tshiena mumanye muntu ewu nansha! Amu diba adi, tshitala kusamatshi.

Nehemya 10:29

Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

Lewitiki 27:29

Nansha muntu mumane kujidila kashidi mu dina dia Maweja-Nangila nanku, kabena mua kumupikula to. Nansha bua kumushipa, basangane kumushipa anye? Bamushipe.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Genese 37:18

Bana babu ne Yozefe kumumuena utshidi ku bule, kayi muanji kufika padibu nansha. Kumuelelebu tshifufu tshibi bua kumushipesha.

Yirmeya 44:25

Maweja-Nangila wa bukole buonsu Mvidi Mukulu wa Izrayele, udi unuambila ne: “Nuenu mene, ne bakaji benu, nuvua nuamba ne: netukumbaje malaya atuvua balaye Mukalenga mukaji wamu diulu. Nuvua bambe ne: netulambule milambu ya manananshi ne ya maluvu. Nuenu benza nanku, mbimpe! Nukumbaje tshinuvua bambe. Enzayi tshinuvua balaye!

Bienzedi 9:23

Matuku makese apita, bena Yuda kumyuangana bua kumushipesha.

Bienzedi 9:24

Kadi bantu bakuabu kumanyisha Shawule tshifufu tshiabu atshi. Baluishi bende kulama biibi bia tshimenga munya ne butuku, bua bamone mua kumushipesha.

Bienzedi 23:13

Bena tshitungu etshi bavua bapite pa makumi anayi.

2 Korente 11:26

Mu ngendu yanyi kayiyi kubala, mvua mupete njiwu mu misulu, pavua mayi mapasalale. Mvua mupete njiwu kudi banyenganganyi ba bintu, kudi bana hetu bena Yuda, ne kudi bantu ba bisamba bikuabu. Mvua mu njiwu mu bimenga ne mu bipela, pa mayi manene kabidi. Mvua muyipete ne kudi bana hetu ba dishima.

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.

Estere 2:22

Kadi Mordekayi kumanya bualu abu. Kubumanyishaye mukalenga mukaji Estere, bua abufikishe kudi mukalenga.