Bienzedi 21:11 - MUKANDA WA MYIDI MUKULU

¹¹ Kufikaye patuvua, kuangata mukaba wa Polu, kudisuika nawu makasa ne bianza, wamba ne: — Mueyelu wa Tshijila udi wamba ne: Muena mukaba ewu, bena Yuda nebamusuike mushindu ewu mu Yerushalayime, pashishe nebamufile mu bianza bia bantu ba bisamba bikuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakalueye kutudi, wakangata mukaba wa Paulo, wakadisuika nʼau ku makasa ne ku bianza, wakamba ne, Nyuma Muimpe udi wamba ne, Bena Yuda ba mu Yelushalema nebasuike muena mukaba eu nunku, nebamufile mu bianza bia bantu ba bende.

Bienzedi 21:11 Referans Kwoze

Bienzedi 21:33

Ke mulombodi wa basolayi kusemena kudi Polu, kutuma diyi, bua bamukuate, bamusuike nkanu ibidi. Pashishe kuebejaye ne: nnganyi ewu? Tshivuaye muenze ntshinyi?

Bienzedi 20:23

Ndi amu mumanye ne: ku tshimenga tshionsu, Mueyelu wa Tshijila udi umuanyisha ne: nebakukengeshe, nebakuele mu nzubu wa lukanu.

1 Bakalenga 22:11

Muntu mukuabu, Sedekiya, muana wa Kenaane, uvua muenze nsengu ya tshiamu, wamba ne: — Maweja-Nangila udi wamba ne: “Nsengu eyi, ke tshimanyinu tshidi tshileja bukole bundi mua kubutula nabu bena mvita ba bena Siriya.”

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 3:7

Ke mudi Mueyelu wa Tshijila wamba ne: “Nuenu bumvue diyi dia Mvidi Mukulu lelu,

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

Efeze 6:20

Nansha mundi mu lukanu amu mpindiewu, mbantume amu bua kumanyisha Lumu lua Disanka alu. Nanku lombayi bua ndongeshe Lumu elu ne muoyi umue, amu mudibu bamfundile bua kuenza.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Bienzedi 28:25

Bu muvuabu kabayi basue kumyuangana, bakavua bakeba kutangalaka. Ke Polu kubambila amu ne: — Miaku ivua Mueyelu wa Tshijila muambile bankambua benu mukana mua muambi Yeshaya, ivua pa bualu!

Bienzedi 28:20

Ke pandi mulombe bua kumonangana nenu apa. mBansuike lukanu elu, bualu bua muntu ewu udi bena Izrayele bonsu batekemena.

Bienzedi 28:17

Kupita matuku asatu, Polu kubikidisha bakulu ba bena Yuda bavua mu Rome. Bamane kusangila, kubambilaye ne: — Bana betu, tshiyi muenzele tshisamba tshietu bualu bubi, tshiyi munyange bibidilu bia bankambua betu, bavua bankuata mu Yerushalayime. Kumfilabu mu bianza bia bena Rome.

Bienzedi 26:29

Polu kuandamuna ne: — Nansha tuetu bashale nebe katupa kipi, nansha tshitupa tshile, kadi ndi nsengelela Mvidi Mukulu ne: ne wewe, ne nuenu bonsu badi banteleja lelu, numfuane meme. Kadi kanumfuanyi ku nkanu eyi to!

Bienzedi 24:27

Kupita bidimu bibidi, Porsiyuse Festuse kupingana Felikse mu bulombodi bua ditunga. Kadi bu muvua Felikse musue kusankisha bena Yuda, ki mmupatule Polu mu lukanu nansha.

Bienzedi 22:25

Kadi basolayi bamane kumusuika, ke Polu kuebeja tshindonda tshia mulombodi wabu tshivua muaba awu ne: — Nudi mua kukumisha muntu muena Rome mikaba, kabayi nansha banji kumulumbuluisha anyi?

Bienzedi 16:6

Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Bienzedi 9:16

Nemmuleje muonsu muakengaye bua dina dianyi.

Osheya 12:10

Meme Maweja-Nangila, ndi Mvidi Mukulu wenu, biangatshile mu Ejipitu. Ndi musue nusombe tshiakabidi mu ntenta, bu tshikondu tshimvua basambakene nenu mu tshipela.

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Yirmeya 19:1

Maweja-Nangila kuambila Yirmeya ne: — Uye kudi mufumbi, usumbe mulondu wa diima. Pashishe wangata batuangaji, bamue bakulu, ne bantu bakuabu, uye nabu.

Yowanane 18:1

Yezu mumane kulomba Mvidi Mukulu nanku, kumukaye ne balongi bende, kuyaye dishiya dia musulu wa Kedrone. Muaba awu uvua lupangu, yeye kubuelamu ne balongi bende.

Bienzedi 8:29

Ke Mueyelu wa Tshijila kuambila Filipe ne: — Ambuluja, upete ditempu diadia.

Bienzedi 21:4

Tuetu kusanganamu bena ditaba, kushala nabu lumingu lujima. Mueyelu wa Tshijila kubasonsola, bua bambile Polu ne: kuyi mu Yerushalayime to.

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.