Bienzedi 16:1 - MUKANDA WA MYIDI MUKULU

¹ Polu kufika mu Derbe, pashishe mu Listra. Muine amu muvua muena ditaba, dina diende Timote. Mamuende uvua muena Yuda mumane kubuela mu Tshisumbu tshia bena Kristu. Tatuende uvua muena Ngreke.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yeye wakalua kabidi ku Dêbe ne Luseta. Mu Luseta muakadi muyidi, dina diandi Timote, muana wa Muena Yuda mukashi wakadi muena kuitabusha, kadi tatu wandi wakadi Muena Gelika.

Bienzedi 16:1 Referans Kwoze

2 Timote 1:5

Ndi mvuluka ditaba diebe, didi kadiyi ne lubombu. Kakuebe wa bakaji Loyize, ne mamuebe Enike, bakavua nadi kumpala kuebe. Ndi mushindike ne: wewe kabidi udi nadi.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 17:14

Diakamue bena ditaba kutuma Polu ku muelelu wa mayi manene. Silase ne Timote kushala mu Bereya.

2 Tesalonike 1:1

Tuetu bonsu, Polu, Silase, ne Timote, tudi mfundila Tshisumbu tshia bena ditaba ba mu Tesalonike mukanda ewu, badi bantu ba Mvidi Mukulu Tatu wetu, ne ba Mfumu wetu Yezu Kristu.

Kolose 1:1

Meme Polu, uvua Mvidi Mukulu musue bua ngikale mupostolu, mutumibue wa Yezu Kristu, ne muanetu Timote,

Filipe 2:19

Pasua Mfumu Yezu, ndi ntekemena kunutumina Timote lukasa, bua papinganaye, antuadile ngumu ya kuenu, ankoleshe ku muoyi.

Rome 16:21

Timote, utudi tukuata nende mudimu, udi unuela muoyi, kabidi ne Lukiyuse, Yazone ne Sosipatere, bana hetu.

Bienzedi 14:6

Polu ne Barnabase bamanya bualu ebu, kunyemabu mu Listra ne mu Derbe, bimenga bia mu Likawoniya.

Ebrewu 13:23

Ndi musue bua numanye ne: mbakopole muanetu Timote’ mu lukanu. Pafikaye lukasa, netufike nende bua kunumona.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

Bienzedi 19:22

Kutumaye bamuambuluishi bende babidi, Timote ne Eraste, mu Masedoniya. Kadi yeye uvua muanji kushala kabidi amue matuku mu Aziya.

2 Timote 3:11

Tuvua nebe diba dimvua nsama, diba divuabu bankengesha. Udi mumanye bionsu bivua bingenzekele mu Antiyokiya, mu Ikoniyume, ne mu Listra. Bavua bankengeshe bikole, kadi Mfumu uvua munsungidile ku bionsu.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

2 Korente 1:19

Bualu Yezu Kristu Muana wa Mvidi Mukulu, utuvua tuetu bonsu, Silase, Timote ne meme kabidi, banumanyishe, kena muntu udi wamba “eyowa” ku mishiku, mundamunda wela meji mushindu mukuabu. Kadi Yeye udi amu “eyowa”.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

1 Korente 7:14

Bualu mulume udi kayi muena ditaba, Mvidi Mukulu udi umuanyisha, bua padiye udisanga ne mukajende muena ditaba. Kabidi mukaji udi kayi muena ditaba, Mvidi Mukulu udi umuanyisha, bua padiye udisanga ne bayende muena ditaba. Bu biobi kabiyi nanku, bana badibu balela bavua mua kuikala ne mikiya, baledi kabayi mua kumonangana nabu. Kadi bana babu badi bantu ba tshijila, badi Mvidi Mukulu wanyisha.

Bienzedi 14:21

Polu ne Barnabase kulongesha Lumu lua Disanka mu tshimenga tshia Derbe. Kupetabu bena ditaba bavule muaba awu. Pashishe kupitshilabu mu Listra, ne mu Ikoniyume, bua kupingana mu Antiyokiya wa mu Pisidiya.

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Ezela 9:2

Bavua basele bakaji ba mu ditunga edi, baselele babu bana ba balume bakaji ba bena bisamba abi. Nanku bantu ba tshijila mbamane kubuelakana ne bena ditunga. Bamfumu ne balombodi ba bantu ke bavua ba kumpala ku dienza bualu bubi bua mushindu ewu.

1 Korente 16:10

Pikala Timote mufike, numuakidile bimpe muenu. Bualu udi ukuatshila Mfumu mudimu, mundi ngenza meme.

Filemone 1:1

Meme Polu, udi mubuele mu lukanu bualu mvua mukuatshile Yezu Kristu mudimu, pamue ne muanetu Timote, tudi tunutumina nuenu bonsu mukanda wetu ewu. Wewe Filemone, mulunda wetu, utudi tukuata nende mudimu,