Bienzedi 15:4 - MUKANDA WA MYIDI MUKULU

⁴ Bamane kufika mu Yerushalayime, kubakidilabu kudi Tshisumbu tshia bena ditaba, bapostolu ne bakulu. Ke bobu kubalondela bionsu bivua Mvidi Mukulu muenze mu bianza biabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakafikabo ku Yelushalema, bakabitabusha kudi bena ekelesia ne kudi bapostolo ne bakulu; Paulo ne Bânaba bakabambila malu onso akenza nʼabo Nzambi.

Bienzedi 15:4 Referans Kwoze

Bienzedi 15:12

Bonsu bavua mu tshipangu kushala bapuwa. Bavua bateleja muvua Barnabase ne Polu babalondela malu a dikema ne bishima bionsu bivua Mvidi Mukulu muenzele bantu ba bisamba bikuabu mu bianza biabu.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

Bienzedi 21:17

Tufika mu Yerushalayime, bena ditaba kubakidila ne disanka.

2 Yone 1:10

Padi muntu ufika kunudi ne dilongesha dikuabu, kanumubueji mu nzubu, kanumuedi nansha muoyi.

Kolose 4:10

Aristarke, utudi nende mu lukanu, ne Marke, muanabu ne Barnabase, badi banuela muoyi. (Bakadi bamane kunuambila munudi ne bua kuakidila Marke bimpe, padiye ufika kuenu.)

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Rome 15:7

Nenku akidilanganayi, muvua Kristu numuakidile, bua Mvidi Mukulu apete lumu.

Bienzedi 21:19

Polu kubela muoyi, kubalondela malu onsu menemene, avua Mvidi Mukulu mukumbaje ku mudimu uvuaye muenze munkatshi mua bantu ba bisamba bikuabu.

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Matayi 10:40

— Muntu udi unuakidila, udi ungakidila meme. Udi ungakidila, udi wakidila ewu udi muntume.

Bienzedi 11:30

Kuenzabu nanku. Kutumabu Barnabase ne Shawule ne bintu abi kudi bakulu ba mu Yudeya.

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Bienzedi 15:6

Ke bapostolu ne bakulu kusangila bua kutangila tshilumbu atshi.

Bienzedi 15:22

Ke bapostolu, bakulu, pamue ne Tshisumbu tshijima tshia bena ditaba, kujadika bua kusungula bamue ba kudibu, bua babatume mu Antiyokiya, pamue ne Polu ne Barnabase. Kusungulabu bakulu babidi bavua ba lumu luimpe munkatshi mua bena ditaba: ke Yuda, udibu binyika kabidi Barsabase, ne Silase.

Bienzedi 16:4

Mu bimenga bivuabu bapitshila, bavua bamanyisha bena ditaba mikenji ivua bapostolu ne bakulu ba mu Yerushalayime bele. Bavua balomba kabidi bena ditaba, bua bayikumbaje bimpe.