Bienzedi 13:16 - MUKANDA WA MYIDI MUKULU

¹⁶ Polu kujuka, kupuwisha bantu ne tshianza, wamba ne: — Nuenu bena Izrayele, nuenu kabidi bena bisamba bikuabu badi batendelela Mvidi Mukulu, ntelejayi:

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Paulo wakabika, wakabahoha tshianza, wakamba ne, Nuenu, bantu ba Isalele, ne badi batshina Nzambi, unvuai:

Bienzedi 13:16 Referans Kwoze

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Didimanyisha 2:29

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Bienzedi 22:22

Bantu bavua bateleja Polu too ne ku miaku eyi. Ke kushishabu kuela mbila ne: — Muntu awu tshiende ndufu! Mushipayi! Tshidiye wenza pa buloba ntshinyi?

Bienzedi 21:40

Mulombodi wa basolayi kuanyisha. Ke Polu kuimana pa bibandilu, kupuwisha bantu ne tshianza. Bantu bamane kupuwa, Polu kubambila mu buena ebrewu ne:

Bienzedi 19:33

Ke bena Yuda kumvuija Aleksandre bualu, kumupatula munkatshi mua bantu, kumuimanyika kumpala kuabu, bua abakuile. Aleksandre kupuwisha bantu bonsu ne tshianza, ukeba kuakuila bena Yuda.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Bienzedi 3:12

Petro umona nanku, kuambilaye bantu ne: — Nuenu bena Izrayele, nudi nukema padi muntu ewu wenda bimpe bua tshinyi? Tshinudi nututangidila ntshinyi? Bienza bu tuetu badi bendesha muntu ewu ku bukole buetu tuetu, nansha bualu tudi bantu badi bitaba Mvidi Mukulu!

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Bienzedi 2:14

Ke Petro kujuka kulu, pamue ne bapostolu bakuabu dikumi ne umue, kuambilaye bantu ne diyi dikole ne: — Nuenu bena Yuda, nuenu bonsu kabidi badi basomba mu Yerushalayime, ntelejayi bimpe, bua nnumvuije bidi bienzeka ebi.

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.

Matayi 11:15

Udi ne matshi a kumvua asangane kumvua anyi? Umvue!

Misambu 135:20

Nuenu bena levi, elayi Maweja-Nangila tuasakidila. Nuenu badi bitaba Mvidi Mukulu, elayi Maweja-Nangila tuasakidila.

Misambu 85:9

Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Misambu 67:7

Buloba mbumeneshe biakudia bivule, nenku Mvidi Mukulu, Mvidi Mukulu wetu mmutuele lupemba!

1 Bakalenga 8:40

Wewe muenzele bena Izrayele nanku, nebakunemeke kashidi, matuku onsu adibu ne muoyi pa buloba ebu buuvua mumane kupesha bankambua babu.

Luke 23:40

Kadi mukuabu kutandisha mukuende awu, wamba ne: — Kuena utshina Mvidi Mukulu anyi? mBakunyoke mushindu umue nende!

Luke 1:22

Ke Zekarya kupatuka. Kadi kavua mua kuakula nabu. Nanku bantu kujingulula ne: Mvidi Mukulu mmumuleje malu muaba wa tshijila. Zekarya kushala kamama, uleja bantu malu anu ne bianza.