Bienzedi 11:13 - MUKANDA WA MYIDI MUKULU

¹³ Yeye kutulondela muvaye mumone mutumibue wa Mvidi Mukulu mu nzubu muende, muimane kumpala kuende, umuamba ne: “Tuma bantu mu Yope, babikile Simone, udi dina dikuabu ne Petro.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakutuambila bu muakamoneye muanjelo muimane mu nsubu muandi, umuambila ne, Tuma bantu ku Yopa, balue ne Simona, dinga dina Petelo,

Bienzedi 11:13 Referans Kwoze

Bienzedi 12:11

Petro kushisha kumanya bivua bimuenzekela, wamba ne: — Mpindiewu ndi mmona bidi bienzeka ebi ne: mbia bushuwa. Maweja-Nangila mmufume mutumibue wende. mMumpatule mu bianza bia Erode, ne mu bualu buonsu bubi buvua bena Yuda bakeba kungenzela.

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Bienzedi 9:43

Petro kushala matuku mavule mu Yope kua Simone, muena mudimu wa biseba.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Bienzedi 9:36

Mu Yope muvua mukaji muena ditaba, dina diende Tabita (ke “Dorkase” mu buena ngreke, mmomumue ne “ngulungu.”) Uvua wenza malu mempe a bungi, wambuluisha kabidi bapele.

Bienzedi 9:38

Balongi ba mu Yope kumvua ne: Petro udi mu Lida. Bu muvua Lida kayi mutantshi mule ne Yope, kutumabu bantu babidi kudi Petro, bamusengelela ne: “Fika lukasa munu, kujingakanyi.”

Bienzedi 9:42

Bualu ebu kumanyika mu Yope mujima. Bantu ba bungi kuitaba Mfumu.

Bienzedi 11:12

Mueyelu wa Tshijila kungambila bua kuya nabu, tshiyi ngelakana. Bana betu basambombu, bandi mufike nabu apa, kuya kumfila mu Kezareya. Tufika, tuetu kubuela bonsu mu nzubu mua Korneliyuse.

Bienzedi 11:14

Neukumanyishe malu adi mua kukusungidila, wewe ne nzubu webe mujima.”